Luna sa Kapitolyo gilangsaran og mga manok

CEBU, Philippines — Gitinguha ni Gobernador Gwendolyn Garcia nga ma-clear na ang luna sa Kapitolyo nga nahimutang diha sa Barangay Luz, Dakbayan sa Sugbo.

 Tumong niini nga mapaabangan na ang maong luna ngadto kang Retired Colonel Rico Palcuto.

Subay kini sa compromised agreement tali sa Probinsiya sa Sugbo ug kang Palcuto ubos usab sa kamandoan sa korte.

Gibutyag ni Garcia nga ang mga opisyal sa Barangay Luz dili kini mosugot nga i-clear ang nahisgutang luna tungod kay giingong himuon kini nga evacuation area sa mga nasunogan.  Apan atol sa gipahigayong inspection sa mga personnel sa Kapitolyo nakita nga adunay mga manok igtatari nga gilangsad diha sa luna.

“Ang ilang gipagawas evacuation kuno intawon ni sa mga nasunogan, sa katong mga nasunogan pero sa pagkatinuod ilang permanent domicile sa ilang mga fighting cocks, ug sa ilang ruydahan”, matud ni Garcia.

Ang maong luna nga gipanag-iya sa probinsiya aduna kini gilapdong nga 1,945 square meters mao kini karon ang subject sa “court sanctionner compromised agreement”.

Apan nasayran sa Kapitolyo nga halos tanang area sa luna ang gibutangan og manokan.

Kagahapon si Garcia nakigtagbo sa mga opisyal sa kagamhanan sa Dakbayan sa Sugbo nga gilangkuban nila ni Konsehal Raymond Garcia ug Chairman Joey Da Luz kinsa nisaad nga ipadangat kini nila nga concern ngadto kang Mayor Edgardo Labella. /BDB (BANATNEWS)