Pagpang-harass sa empleyado gipaubos sa imbestigasyon

CEBU, Philippines — Si Acting Mayor Raymond Alvin Garcia nimando ug imbestigasyon batok sa giingong harassment nga gihimo ngadto sa upat ka kawani sa city hall kinsa nipasaka og reklamo hinungdan sa pagkasuspenso nila ni Mayor Michael Rama ug laing pito ka opisyales sa city hall.

Atol sa gipahigayon nga press conference kagahapon sa buntag si Garcia nimando kang Acting City Administrator Joyce Batucan ug sa Human Resource and Development Office (HRDO) nga mohimo og pakisusi.

Ang acting city administrator ug HRDO gihatagan ug 48 oras aron mosumiter sa ilang taho.

Gibutyag ni Garcia nga nasuko siya dihang iyang nasayran ang giingong pagpang- harass nga gihimo ngadto sa nahisgutang mga empleyado ug gani iyang gidasig ang upat nga mopadayon sa ilang trabaho ug nipahimangno ngadto sa nagpaluyo sa pagpang- harass nga dili siya mo tolerate sa maong kinaiya.

Sayo pa, usa sa upat ka empleyado ang nipadayag nga gikomprontase siya ug gi- harass nga giapil niya ang mayor sa iyang gidusong reklamo.

Si Sybil Ann Ybañez, kinsa nagtrabaho sa assessor's affice apan nadestino na karon sa laing buhatan supporter ni Rama ug gani nakasabot siya sa gibati sa mga empleyado sa gidangatan sa mayor.

Si Garcia namando kini sa dinalian nga pagpagawas sa wala mabayari nga sweldo sa upat ka empleyado sa city hall.

Naglaom si Garcia nga sa sunod semana mapagawas na ang sweldo sa nahisgutang mga kawani. (BANAT NEWS)