Mid-year bonus sa mga empleyado sa City Hall ihatag karong buwana

CEBU, Philippines — Si Acting Mayor Raymond Alvin Garcia nipahibalo nga ang mid-year bonus alang sa mga empleyado sa city hall ipanghatag karon Mayo 15, 2024.

Giingong si Garcia gipasaligan ni City Treasurer Mare Vae "Ivy" Reyes nga ang mid-year bonus ipagawas base sa schedule.

Ang mid-year bonus nga madawat katumbas kini sa usa ka buwan nga basic nga suholan sa empleyado.

Ang maong mid-year bonus ihatag ngadto sa tanang regular, casual ug contractual nga mga empleyado.

Ang maong pahibalo ni Garcia gihangop kini sa mga kawani sa city hall. (BANAT NEWS)