Barangay Cabancalan gihatagan og ambulansya
CEBU, Philippines — Pormal nga gitugyan ni Mandaue City Mayor Jonas Cortes kagahapon sa buntag, Mayo 13, 2024 ang ambulansiya alang sa Barangay Cabancalan sa siyudad sa Mandaue.
Si Cabancalan Barangay Kapitan Francis Karlo Remedio uban ang mga sakop sa rescue team ang midawat niini. Ang maong ambulansiya daku kaayo og ikatabang panahon sa ilang pagserbisyo sa katawhan sa ilang barangay ilabi na panahon sa emerhensiya.
Gipasalamatan ni Mayor Jonas Cortes si Senador Sonny Angara nga maoy usa sa mga naningkamot nga mahatag ang ambulansya sa Barangay Cabancalan.
Gipahigayon dayon ni Rev. Gabrell Lacanglacang ang pagbendisyon sa bag-ong ambulansya.
Sa pagturn-over sa ambulansya, kauban ni Mayor Jonas Cortes si Bise-Mayor Glenn Bercede ug City Councilors nga sila si Maline Cortes-Zafra, Jen Del Mar, Cynthia Cinco-Remedio, Jimmy Lumapas, Malcolm Sanchez, Oscar Del Castillo, Jun Arcilla, Dr. Nerissa Soon-Ruiz, Ting Sol Cabahug, ABC President Dante Borbajo, ug SK Federation President Gayle Jumao-as. (BANAT NEWS)
- Latest
