LP sa probinsiya kaguliyang pa

CEBU, Philippines – Wala pa’y klaro ang line-up sa Liberal Party sa probinsiya sa Sugbo tungod sa problema sa ubang kaalyado ilabi na sa una’ng distrito.

Sa dakbayan sa Talisay, si Bise Mayor Romeo Villarante kinsa alyado sa LP ang nideklarar nga moatbang kang Mayor Johnny delos Reyes kinsa kaalyado usab sa LP.

Si Gobernador Hilario Davide III kinsa mao’y chairman sa LP sa probinsiya nanghinaut nga si Villarante ug de los Reyes magkasinabot.

Si Bise Gobernador Agnes Magpale nagkanayun usab nga duna pa’y mga husayunon sa ila’ng slate.

Matud ni Magpale nga may panagtagbo unya nga ipahigayun  kauban si Secretary Mar Roxas II, sa Department of Interior and Local Government (DILG) nga mao’y standard bearer sa LP sa pagka-presidente.

Si Magpale nagtuo nga mahilot pa ang relasyon nila ni Villarante ug de los Reyes. – /GMR) (BANAT NEWS)