Carnappers nasikop, nakuhaan og drugas
CEBU, Philippines - Gisikop sa kapolisan ang mag live-in partner kinsa giingong mosuway unta og kawat sa usa ka motorsiklo sa sitio Lacdon, Cambuhawe, Balamban niadtong Sabado sa gabii.
Ang mga nasikop naila nga sila si Rolan Tabanao, 32, taga Basak, Lapu-Lapu City ug si Cesilda Diacosta, 31, taga Magsaysay, Balamban.
Matud ni Sr. Insp. Cesar Misola, hepe sa Balamban Police nga nahinabi sa Banat News nga iyang nasakpan ang duha apan dali nga misuway og dagan sa pagkakita sa kapolisan.
Sumala pa ni Misola nga ila pa nga gipaabot ang posibleng lain pa nga mga reklamante sa posibilidad nga kini nailhan sa mga nabiktima sab sa pangpang-carnap sa maong lugar.
Mag-atubang sab og kasong paghupot og ilegal nga drugas ang duha human narekober ang tagsa-tagsa ka medium size nga gituohang drugas.
Matud ni Misola nga duna sila’y nakuha nga impormasyon nga modus sa mga suspek nga taparan ang motorsiklo nga ilang kuhaon nga halos kapareho sa ilang dala nga motorsiklo dayun suwayan og kuha.
Gitug-an ni Misola nga may mitawag kaniya ug miingon nga dili kinuha sa duha ang maong motorsiklo apan iyang giingnan nga mag-abot na lang sila sa korte.
“Pinagalitan ko nga, kasi parang nanakot pa sa akin tumawag sa cellphone ko, hindi ko kilala, sinabihan ko na lang na sa korte na lang kami magkita, akala niya siguro matakot tayo,”sigun pa ni Misola. Gitanggong ang duha ka dinakpan sa karsel sa Balamban Police ug padayon sab ang pagsubay sa kapolisan sa personal nga record sa duha ka mag live-in partner. (BANAT NEWS)
- Latest
