Narco-Politics
CEBU, Philippines - Nakadawat og taho ang acting chief sa Regional Intelligence Division Supt. Pablo Labra II nga dunay mga politiko nga gipaluyohan sa mga drug pushers karong umaabot nga piniliay sa barangay.
Matud ni Labra nga sa duha ka mga big time drug pushers nga ilang nailhan dunay usa niini nga nagpaluyo og politiko sa dakbayan ug lalawigan sa Sugbo.
“Yes we did receive reports that there are, this two that I mentioned earlier we did receive reports that they are supporting, there is one candidate in Cebu City and several barangay in the south,†matud ni Labra.
Apan gitataw ni Labra nga ila pang susihon kun unsa ka tinood ang maong kasayoran. Si Sr. Supt. Noel Gillamac ang hepe sa Cebu Provincial Police Office miingon nga kompleto ang probinsya may mga nalambigit sa illegal nga sugal, drugas ug robbery hold-up.
“In Cebu Province kompleto, naay involve in Illegal gambling, naay involve in illegal drugs,†asoy ni Gillamac.
Miingon si Gillamac nga wala pa maka-file sa ilang certificate of candidacy kining mga tawhana apan ang nadawat niya nga kasayoran nga molansar gyud kining mga tawhana.
“Although they did not submit their candidacy kay sa Oct. 10 pa but still our information nga na-receive namo nga modagan ni sila,†dugang ni Gillamac.
Namahayag si Gillamac nga duna na sila’y gi-raid nga kapitan sa usa ka barangay nga incumbent apan base sa kasayoran nga ilang nahipos dunay posibilidad nga molansar kini pag-usab.
“In fact if you remember we were able to raid a barangay captain somewhere in Medellin so kato siya incumbent but now naay mga dumadagan, dungog-dungog ra,†pulong ni Gillamac.
Apan matod ni Gillamac nga naa ra sa mga botante kun pilion nila ang mga tawo nga mga illegalista busa nanawagan kini nga mobotar unta ang katawhan sa tarong nga kandidato. (BANAT NEWS)
- Latest
