Papa gipatay sa anak
CEBU, Philippines - Usa ka amahan ang giunay sa pagpusil patay sa iyang anak sa miaging gabii sa dihang miuwang kini og lalis tali sa iyang duha ka mga anak nga nag-inom sa Sitio Sta. Cruz, Barangay Sacsac, Pinamungajan.
Si Emilio Nebres, 72, nakaangkon og samad pinusilan sa walang batiis human pusila ni Allan Nebres, 45, gamit ang pugakhang.
Daling gidala ang biktima sa Pinamungajan District Hospital apan gideklarar kini nga dead on arrival.
Si SPO1 Peter Cuanso, desk officer, nagkanayon nga nagtan-aw lang si Emilio sa iyang mga anak nga nag-inom sa dihang kalit nga naglalis ang mga anak hinungdan nga giduol kini ni Emilio ug gihusay apan kalit nga naglagot si Allan dayung kuha sa pugakhang ug gipusil ang biktima. Daling misibat si Allan palayo sa lugar human sa maong hitabo. Matud ni Cuanso nga uncooperative ang pamilya sa suspek apan desidido ang pamilya sa biktima nga mupasaka og kasong kriminal batok niini. (BANAT NEWS)
- Latest
