^

Rama mireklamo sa magsisibya sa radio

Ni Sanden J. Anadia (The Philippine Star) - November 6, 2012 - 12:00am

CEBU, Philippines - Gihagit  ni Mayor Michael Rama ang Kapisanan ng mga Brodkaster  ng Pilipinas  (KBP)-Cebu Chapter nga mohimo og mga pasidaan ngadto  sa mga program handler sa radyo nga kinahanglang  responsable sila sa pagdumala  sa ilang   mga tulumanon.

Mao kini ang mainitong reaksyon sa mayor dihang  may  usa  ka   caller ang mitawag sa blocktime  program ni   Nanette Garong sa dyLA nga mitug-an  sa iyang nadungog  nga balita  bahin kuno sa giingong   prostate cancer ni Rama.

“Iresponsable kaayo na nga akusasyon nga klaro man kaayo na nga dili tinuod,” suma pa ni Rama.

Matud pa  sa  mayor  nga kinahanglan nga ang KBP mopasidaan sa mga magsisibya nga dili  unta magpataka sa ipanabi  niini  sa ilang  programa  sa kahanginan.

Giklaro hinuon sa mayor nga wala siya’y plano nga mokiha pa og libel sa mga tawo nga maoy responsable sa maong estorya.

“Dili  na lang ko anang kiha-kiha, kay kung mokiha pa ko, daghan na kaayo ko’g atubangon nga problema. Ako lang giawhag ang KBP nga mohimo usab og pahimangno ngadto sa mga broadcaster kay iresponsable kaayo na nga akusasyon  nga nag-ingon nga duna ko’y cancer. Mao na ilang gusto nga mamatay ko para makadaug sila?,” buwelta pa sa mayor ngadto sa iyang mga kritiko. Matud pa sa mayor nga iyaha na nga gisalig ngadto sa kahitas-an ang mga tawo nga magsige og buhat og intriga batok kaniya.

Samtang ang presidente sa KBP-Cebu nga si Marlon Baula mipasalig  nga iyang mitingon   ang iyang mga kaubanan aron  kahisgotan  kining  maong  isyu sanglit normal lang nga ipaagi nila og hustong proseso   ang  pagtuki  sa   bahin  sa mga reklamo nga ilang madawat.

Sumala pa niya nga adunay temporaryong lisensya sa KBP ang program handler nga si Garong.

Sa  una  niyang pakisusi,  iyang  nasayran  nga ang caller ra’y miakusar kang Rama ug dili ang program handler.

“Duna usahay nga ang ubang caller,  ang dili na kabantay sa ilang gipanulti. Ang buhaton ana sa program handler, moana sila nga i-verify pa ang maong impormasyon,” matud pa ni Baula.

Dugang pa ni Baula nga angayan gyud  isulti sa usa ka announcer nga ipaubos una sa beripikasyon kung aduna sila’y mga caller nga misulti og mga estorya nga dili pa segurado. (/WC)(BANAT NEWS)

BAULA CEBU CHAPTER MARLON BAULA MATUD MAYOR MICHAEL RAMA NANETTE GARONG RAMA
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with