BFP-7 nangrekrut og mga bombero
CEBU, Philippines - Kapin sa 60 pa lang ang mi-apply sa pagka-bombero diha sa Bureau of Fire and Protection-7 sukad nga gibuksan ang recruitment alang sa 122 ka bakanteng pwesto atol sa kick-off ceremony sa Fire-Prevention Month sa milabay’ng Marso 1.
Kini ang gibutyag ni BFP-7 Regional Director Senior Superintendent Samule Tadeo sa Banat News kagahapon.
Matud pa niya dakong tabang sa ilahang ahensya ang dugang bombero ug mga staff. "Makikita po natin na maraming interesado po pagiging public servant particularly on public safety," matud ni Tadeo.
Giangkon niya nga nagkinahanglan gyud unta sila sa tibuok rehiyon og 2mil ka mga sakop apan sa pagkakaron aduna lamang silay 1,328 ka sakop.
"Pag ma-fill up po namin ‘yung 122, malaking bagay po sa Region 7 in terms po sa personnel strength namin at mailalagay na namin sila sa mga stations namin na kulang sa personnel," matud ni Tadeo.
Nanawagan karon si Tadeo sa mga kabataan nga gradwado sa kolehiyo nga adunay professional license gikan sa Civil Service Commission nga interesadong mosulod sa BFP sa pag-apply sa ilang buhatan diha sa Natalio Bacalso Avenue, sa Brgy. Pahina-Central, Cebu City.
Kinahanglan nga ang aplikante 21 hangtud 30 anyos. Sa babaye 5’2 ang height ug 5’4 sa lalaki. - /EIM) (BANAT NEWS)
- Latest
