Countdown sa pagpangita og bana

CEBU, Philippines — Gihugyaw ni Angelica Panganiban ang Twitter World sa dihang nag-countdown na siya alang sa pagpangita og bana. Daghan sab sa iyang mga fans ang mi-react sa iyang post nga “February naaa.. 11 months na lang akong maghahanap ng asawa”, post pa no Angelica.

Dunay spine injury

Nangayo og pag-ampo si Derek Ramsay gikan sa iyang mga fans human siya mipakita pinaagi sa iyang IG story sa resulta sa iyang MRI.Matud pa no Derek nga nakabatyag siya og panakit sa iyang likod ug nasuta nga aduna siya’y spine injury. Padayon nga nagpaayo karon si Derek sa usa ka hospital sa Muntinlupa City.

Dili pa ang tukmang panahon

Giangkon ni Marco Gallo nga opisyal nga manag-uyab sila sa makadiyot sa anak nila ni Mayor Richard Gomez ug Rep. Lucy Torres nga si Juliana. Matud pa niya nga una pa siya mibiya paingon sa Italy, aduna sila’y pormal nga breakup. Detalye pa ni Marco nga dili pa gyud ang hustong panahon aron silang duha magbaton og relasyon sa usag-usa.

Laos ra

Gitubag ni Jay Durias ang pangutana kabahin sa estado sa music scene sa banda nga “South Border” kinsa nagpasikat sa kanta nga “Kahit Kailan” ug “Rainbow”.  “Buo pa rin ang South Border, laos lang”, pahibalo ni Jay.

Gi-follow ang maguwang

Daghang fans ni Claudine ang nakabantay nga gifollow na niya sa Instagram ang iyang igsuon nga si Gretchen Barretto. Gani, gikalipay sa mga fans sa duha ang sinyales sa panag-uli niini. Taud-taud sab nga walay tingganay ang managsuon kabahin sa mga butang nga wala mauyuni sa usag-usa.

No turning back

Mipagawas na og bag-ong tukar si Ylona Garcia nga nag-ulohang “No Turning Back”. Sa maong awit, adunay nahitabong kolaborasyon niini tali sa sikat nga Youtube gamer nga si AngelMelly.

Ella, naluya

Gikaguol  ni Ella Cruz tungod kay wala siya makasaksi sa konsyerto sa iyang giidolo nga Korean pop group nga Blackpink sanglit anaa gihapon suya sa tambalan gumikan kay kalit lang siya nga naluya. Dugang pa sa teen star nga dili sab siya makaperform sa ASAP stage tungod sa iyang kondisyon.

Busy sa career

Gitug-an ni Pia Wurtzbach nga hands-off gyud siya sa isyu kabahin sa pagfranchise ni Chavit Singson sa Miss Universe Philippines. Matud pa ni Pia nga naghuwat nalang siya og official statement gikan sa Binibining Pilipinas Charities Inc. Dugang pa ni Pia nga wala na kaayo siya’y panahon sa maong isyu tungod kay tutok na siya sa iyang kinabuhi sa showbiz.

Nganong wa madayon

Gibutyag ni Gary Valenciano nga gitanyagan siya kaniadto nga mahimong usa sa mga hurado sa bag-ong international search nga “The World’s Best”. Matud pa ni Gary nga wala siya madayon tungod kay mas nauna pagkahan-ay ang iyang schedule sa programa nga “World of Dance”.

Hangtud kanus-a

Gitubag ni Enchong Dee ang pangutana kun hangtud kanus-a siya magpabilin sa showbiz. “Ako hanggang kailangan ako ng kompanya, that’s one. Number two, I know that I’m passionate still about my work. And number three, basta pinapatunguhan ko ‘yung lahat ng mga nakakatrabaho ko lahat ng mabuti, kasi kahit gaano ka ka-galing, kahit gaano ka ka-talented kapag masama ang ugali mo, no one wants to work with you”, suma pa ni Enchong.

Dennies

Ingon nga lisod gyud pagkab-ot ang gitingoha nga butang kun dili kini sugdan sa pagbuhat. Kun masugdan na kini sa pagkihol, sayon na lamang kini sa pagpadayon.

Mao kini ang nahitabo sa kinabuhi sa 41- anyos nga usa ka Sales and Marketing officer sa Alpa Land Inc. ug founder sa Facebook group nga “Intermittent Fasting & How To Cope with IF” nga si Dennies Siongco kinsa nakasinati sa maanindot nga sangputanan sa Intermittent Fasting kun IF.

Mao kini ang klase sa buhat aron nga mokunhod ang timbang sa usa ka binuhat. Gani, aduna kini gihatag nga mga benepisyo sa lawas sama sa pag-iban sa imong gibati nga sakit.

Sa sugilanon ni Siongco, aduna siya’y duha ka rason nganong gisulod niya ang IF.

Matud pa niya nga gi-agni siya sa iyang higala nga sudlon kining maong buhat gumikan kay aduna siya’y gihambin  nga sakit. Gawas niana, nagtubo sab si Siongco nga dako og timbang.

“Basically, all my life kay dako jud ko since 7 years old. Mas dako gyud ko sa mga classmates ko. Ako parati ang the biggest in the class. And I am also diagnosed with Type 2 Diabetes and I have 9 maintenance drugs. I have 7 oral drugs and 2 injectables. So my main problem is my diabetes. So, I did research online and daghan gyud ang information online about this. The first thing that came into my mind while doing my research was mura’g lisod man because 16 hours na walay kaon. So ang kaon is within the span of 8 hours. Murag di jud kaya, mabuang jud ko”, suma pa ni Siongco.

Dili pa ingon nga kumbinsido si Siongco nga seryosohon kining maong buhat gumikan kay daghan na siya nga gisuwayan nga mga proseso sa pagpadaot apan wala kini epekto ngadto kaniya mao nga nagduhaduha siya niini.

Apan gikaingon nga ang kinabuhi sa tawo, dili gyud nimo matag-an—kun dili ka mamatay tungod sa bala, mamatay ka tungod sa gibati nga sakit.

Niadtong Hunyo namatay ang  amahan  sa higala sa iyang anak ug didto siya nakaamgo nga bata pa lang ang iyang anak ug dili siya gusto nga biyaan kini. Dinhi siya nihukom nga mag-IF.

“Yun yu’ng wake up call up ko. My daughter is just 6. I am diabetic, my uric acid and my cholesterol is high. I have a fatty liver and actually I am a walking time bomb ug anytime pwede ko mamatay. And I still want my kid to grow, see her achieve her dreams and still see her walk down on the aisle during her married. I still want to witness that with my wife as well”, asoy pa niya.

Gisugdan ni Siongco ang 12 ka oras nga fasting.

 “Twelve hour fast is basically mamahaw ka og alas 7, maniudto ka og alas 12 ug manihapon ka before 7pm. So from 7pm to 7am, kay wala na jud koy kaon”, suma pa niya.

Human sa usa ka semana, nakabatyag siya nga migaan suya, apan nagpabilin gihapon ang iyang timbang nga sa 102 kilos.

Mao nga gikan sa 12 ka oras, gihimo kini niya nga 16 ka oras tungod kay base sa iyang research, mas labing epektibo kini aron makita ang mahika sa IF.

Wala na  sa iyang listahan ang pamahaw. Sa usa ka adlaw, kaduha nalang siya mokaon. Sa alas 12 sa udto na siya mokaon ug sa alas 8 sa gabii na lang.

“I just take 2 meals a day. Pag nagugutom ako, I take healthy snacks like 1 hard-boiled egg, or one apple, one banana just to tied to me to dinner”, saysay pa niya.

Tungod sa maong rutina nga ginabuhat niya matag adlaw, nagsugod og lihok ang iyang timbang.

Sulod sa duha ka buwan,  una pa miabot ang iyang adlaw’ng natawhan, nahinayon sab gyud ang iyang panaad sa iyang kaugalingon nga magpagamay sa iyang timbang sa dili pa siya motungtong og 41 anyos.

Karon, pito ka bulan na nga gipadayon ni Siongco ang IF ug malipayon siya sa epekto nga gidalit niini ngadto kaniya. Gikan sa 225 pounds, anaa na siya sa 160 pounds ug dako gyud ang nakitang kausaban niini ilabi na sa iyang pisikal nga postura. Gani, ang iyang gibati nga sakit nga diabetes, dili na kini sama kaniadto nga daghan na siya og tumaron.

The Biggest Loser Tips ni Dennies

• Kun pagasugdan na ang pagbuhat sa IF, mas labing maayo nga dili mokaon og snacks. Kun gutumon, mokaon lang og mga sustansiyado nga mga pagkaon sama sa prutas, karne, gulay ug walay kan-on. Kun anaa man, mas labing maayo nga usa ka regular nga tasa sa kan-on.

• Mas labing maayo nga moinum og tubig, black coffee nga walay sugar o creamer ug tsa  lang.

• Magpahuway ang lawas kun gibuhat ang IF. Sulod sa 12 hangtud sa 16 ka oras, galingon sa atong tiyan ang atong kinaon sulod sa 3 hangtud sa 4 ka oras. Kun wala nay magaling ang atong tiyan, didto na nga magpahuway ang atong organs sama sa atay, tinai ug uban pa. Didto na magsugod ang gitawag nga Lipolysis ug ang pagaling sa mga excess fats sa lawas, himuon kining enerhiya mao nga kun maabtan pa og usa ka adlaw nga dili mokaon ang usa ka binuhat, buhi pa gyud kini.

• Sa unang buwan sa Lipolysis, stressed gyud kaayo ang imong panag-away apan kun mag IF matag adlaw, human sa pipila ka buwan, mobata gyud ang itsura nimo.

• Dili kanunay nga magduka ang tawo nga nag- IF. Bisan og unom ka oras lang nga matulog apan maingon nga sakto na kini sa pagpahuway. Gani, dili magluya sa trabaho ug sa uban pang buhat matag adlaw

• Labing una nga mabantayan kun ginabuhat ang IF mao ang paggamay ug ang pagflat sa tiyan.

• Adunay puruhan nga minus lang ang bation nga mga sakit sa lawas.

• Managlahi ang proseso sa IF sa lalaki ug sa babaye. Sa mga kababayenhan, mas labing maayo nga kutob lang sa 12 hangtud sa 16 ka oras ang pagabuhaton nga fasting gumikan kay gikinahanglan nga hatagan og konsiderasyon nga adunay hormones. Aron malikayan ang pag-react sa hormones ug malikayan sab ang hormonal imbalance.

• Gikinahanglan ang disiplina niini sa kaugalingon aron malampuson nga mabuhat ang gitawag nga Intermittent Fasting.