Imported

CEBU, Philippines - Gikan sa Amerika ang gikuha nga make-up artist sa seryeng Ikaw Lamang sa ABS-CBN nga pagabidahan nila ni Coco Martin, Kim Chiu, Jake Cuenca ug Julia Montes. Nagsugod na ang taping niini niadtong Lunes.

Fan ni Toni

Giangkon ni Iza Calzado nga dugay na siya nga fan ni Toni Gonzaga busa dakong garbo alang kaniya nga nahimo siya nga kabahin sa pelikula sa TV host nga "Starting Over Again." Suma pa ni Iza nga nakahilak siya nga nagtan-aw sa pelikula ni Toni niadto nga Amnesia Girl.

Joshua ug Jopay magpakasal

Magpakasal na karong Hunyo sila si Joshua Zamora ug  Jopay Paguia nga sakop sa Sexbomb Girls. Bag-ohay lang nagbalik ang duha human sila nagbuwag duha ka tuig na ang nilabay. Nakahukom ang duha nga magpakasal aron dili na gyud sila  magkabuwag og balik sanglit aduna na man sila'y gipanumpaan.   

Kontento na sa serye

Giangkon ni Roi Vinzon nga wala na kaayo'y action movies karong panahona busa usa kini sa rason nga nidawat na siya og TV projects. Kahinumduman nga nikisaw pagbalik ang pangalan ni Roi gumikan sa seryeng My Husband's Lover sa GMA-7 sa niaging tuig. Kasamtangan usab siya nga makita sa seryeng Carmela.

Paabota  na lang Pancho!

Gikatahong panagsa  na lamang magkita sila si Max Collins  ug Pancho Magno. Giklaro ni Max nga friends ra gyud sila ni Pancho ug wala pa niya kini sugta. Suma pa sa aktres nga busy pa siya sa serye niya nga Innamorata sa GMA-7 busa maglisod pa siya og entertain ni Pancho karong panahona.

Gitampo sa girlfriend

Nag-compose og kanta si Karylle ug malakip kini sa umaabot nga album sa iyang boyfriend nga si Yael Yuzon. Ang duha gidungog nga magpakasal na sunod buwan.

Patungahon sa birthday

Gibutyag ni Kris Aquino nga iyang patikangon ang iyang anak nga si Bimby sa pagsaulog sa adlaw nga natawhan sa amahan niini nga si James Yap karon February 15. Suma pa ni Kris nga iyang gikonsulta si Bimby ug uyon kini nga mouban sa iyang amahan sa maong adlaw

Ranier nahilom

Kalit nga namingaw ang career ni Ranier Castillo sa TV5. Wala na igdungog ang aktor kung unsa ang iyang gikabisihan karon.

Xian mobalibad og sexy role

Tsika pa ni Xian Lim nga dili pa siya andam modawat og sexy role. Aminado hinuon ang aktor maabot ra ang saktong panahon alang niini. Nalingaw pa sa pagka-karon ang aktor sa kasamtangang istado sa iyang career.

TP dawaton gihapon ni Ryan

Giklaro ni Ryan Agoncillo nga bisan nanawat siya og daghang programa sa GMA-7,  makita gihapon siya sa pagbalik sa Talentadong Pinoy sa TV5. Nasayran nga gawas sa game show sa GMA-7 nga Picture Picture, gipaabot nga makita si Ryan sa usa ka programa sa News and Public Affairs department sa nahisgutang network.

Mag-enjoy pa

Gibutyag ni Drew Arellano nga wala pa sa hunahuna nila sa iyang asawa nga si Iya Villania ang makabaton og baby karong tuiga gumikan kay gusto una nila nga mag-enjoy sa ilang kaminyuon. Wala pa makahunahuna ang duha kung asa sila mag-honeymoon.

Ryan mi-surrender

Matud pa ni Ryan Bang nga dili na siya modayon sa pagdiskarte kang Alex Gonzaga gumikan kay nadawat na niya ang kamatuoran nga higala ra gyud kutob ang pagtan-aw niini ngadto kaniya. Malipayon hinuon si Ryan gumikan kay suod na niya nga higala si Alex nga taud-taud na niya nga crush.

Jen naluwas

Gitataw ni Jennylyn Mercado nga klaro na sa mata sa mga tawo nga wala gyud siya'y sala sa breakup nila niadto ni Luis Manzano. Gibutyag kini ni Jen human gikuhaan siya og reaksyon sa giingong panagbalik nila ni Luis ug Angel Locsin.

Lauren supportive sa ex-boyfriend

Gisalikway ni Lauren Young ang mga istorya nga matud pa duna sila'y tsansa nga magkabalik ni Elmo Magalona. Suma pa ni Lauren nga wala siya'y plano nga magsamok-samok sa kinabuhi ni Elmo kinsa malipayon na karon kang Janine Gutierrez.

Shaina naglikay sa intriga

Naglikay si Shaina Magdayao og mga intriga busa dili siya gusto nga mahimong guest sa sitcom nga Home Sweetie Home sa ABS-CBN gumikan kay bida nini ang iyang ex-boyfriend nga si John Lloyd Cruz. Giklaro hinuon ni Shaina nga nagtagad na sila sa aktor.(Sanden J. Anadia)

Vhong ipa-monitor ni Deniece sa NBI

Usa ka lookout bulletin order gipanawagan pud sa  kampo ni Deniece Cornejo batok sa aktor nga si Vhong Navarro.

Suma pa sa report ni Saleema Refran sa  GMA News, mihangyo ang  kampo ni Deniece sa National Bureau of Investigation (NBI) ug  Department of Justice (DOJ) og  lookout bulletin order batok kang  Vhong aron maseguro nga dili makaikyas ang aktor kalabot sa gipasaka nila nga kasong rape batok niini.

Matud pa sa legal counsel ni Deniece nga si Atty. Howard Calleja nga angayan nga ipaneguro ni Vhong nga atubangon niini ang kasong rape.

"So, kung nakitang ipinaskil ang mga kliyente ko, e, dapat ipaskil din yung picture niya sa lahat na siya rin ay may kaso ng rape para patas lang," matud pa niya.

Kahinumduman nga una na nga nipagawas ang DOJ og  lookout bulletin order batok nila ni  Deniece ug sa  negosyante nga si Cedric Lee gumikan sa pagkalambigit niini sa pagpangulata kang  Vhong niadtong Enero 22 sa gabii.

Tumong sa  lookout bulletin order nga imonitor ang mga tawo nga nalambigit sa nagkadaiyang kaso.

Nasayran nga duha ka adlaw human gisaysay ni  Vhong ang  insidente, nitumaw ang mga report nga matud pa  nagpa-book og  flight sila si  Deniece ug Cedric paingon sa  Singapore.

Sa laing bahin usa ka   Malaysian ug dili si Deniece ang naka-register nga maoy nangabang sa condominium unit kung diin nahitabo ang pagpamun-og  kang Vhong.

Usa ka ginganlan og Soledad Ramos ang tag-iya sa maong condominium unit ug gipaabangan kini ngadto sa Malaysian nga si Greg Binunos. Lakip ang duha sa miatubang sa NBI niadtong Lunes.

Sa mubo nga interview sa abugado ni Ramos nga si Atty. Jonas Castro, giklaro niini nga wala'y koneksyon ang iyang kliyente ngadto kang  Deniece.

Text Messages

Samtang nikatap dili pa lang dugay ang giingong mensahe matud pa ni Cedric Lee ngadto kang Vhong nga nagmando niini nga bayran si Deniece og "damages" sa nahitabo lakip na sa mga kabtangan sa condo nga nangaguba ug nagkadugo.

Pagsubang sa paglaum

Nakaangkon og paglaum ang  sexy  actress  nga si Janice Jurado di pa lang dugay.

Unang naglawig ang karera sa aktres niadtong 80's sa dihang nahimo siya nga kabahin  sa sitcom nga  "Duplex" sa RPN-9 niadtong 1982   kung diin midala siya isip "Liweng" nga usa ka katabang .

Si anhing Comedy King Dolphy maoy usa sa nirekomendar kang Janice ngadto kang direk Ading Fernando aron malakip kini sa maong show.

Adunay kahingawa ang direktor  sa pagkuha ni Janice ilabi na nga kinahanglan nga imintinar niini ang wholesome image sa maong programa.

Busa gibuhat sa direktor nga himoong komedyante ang role ni Janice ug nisidlak gyud ang karera sa aktres hangtud gibahaan kini og mga proyekto, kini sama sa  Atsay Killer nga gibidahan ni  Eddie Garcia, Baril At Balisong  ni  Jun Aristorenas, Umpisahan Mo... Tatapusin Ko kung diin kauban niya si anhing Fernando Poe, Jr., ug  Karibal Ko Ang Aking Ina uban ni Mark Gil.

Nahimo usab siya nga  mainstay sa mga programa sa telebisyon, sama sa  Eh, Kasi Babae niadtong 1987 ug nahimong  host sa  showbiz talk show nga Rumors Facts & Humor  niadtong 1987  hangtud misulbong og maayo ang iyang career.

Human sa pipila ka tuig, nasugatan niya ang dakong pagsuway sa kinabuhi  kung diin nasuta niya nga duna siya'y  breast cancer kung diin resulta kini  sa "medical malpractice" sa dihang nagparetoke siya sa iyang dughan niadto.

Gipangandaman og maayo

Taas nga panahon sa preparasyon ang gibubo ni Jennylyn Mercado alang sa umaabot nga serye niya nga Rhodora X  nga nagsugod na niadtong Enero 27 sa primetime block sa GMA-7.

Gibutyag ni Jen ngadto sa Cebu Entertainment Group (E-Group) nga tulin kaayo ang dagan sa ilang taping ilabi na nga komportable ra siya sa iyang mga kaubanan nga sila si Mark Anthony Fernandez, Mark Herras ug Yasmien Kurdi.

  Kauban sa aktres sila si Mark ug Yasmien sa unang batch sa StarStruck kung diin sila mismo ang nasulod sa Final Four (uban ni Ranier Castillo) sa maong show niadto busa ilang giisip ilaha kining reunion project.

Nahimong parte sa kagahapon ni Jen si Mark apan wala sila kiwawi sa usa’g-usa.

"Maayos kasi ang hiwalayan namin, kaya naging close kami ulit," nagkanayon si Jen.

Aminado ang aktres nga nakatabang ang ilang kasaysayan aron sayon na lang ang pagdala nila sa mga eksena ilabi na nga suheto na sila sa ilang estilo.

Samtang excited na kaayo ang aktres sa pagsikad sa Rhodora X ilabi na nga modala siya sa karakter nga dunay identity disorder busa dakong hagit alang kaniya nga matarong niya kini og portray.

"Iba ang serye na to , kasi, gusto naming ma-realize ng mga viewers kung gaano ba nila kakilala ang mga taong mahal nila sa buhay.  Ipapakita namin sa mga viewers kung gaano niyo ba kakilala ang mga malalapit sa inyo at mahal niyo sa buhay. Basta abangan ninyo," ni Jen pa.

Gipahibalo sa aktres nga duna gyud sila'y gikuha nga psychologist alang sa maong serye.

Giingong naka-standby kini sa set sa maong serye aron makasugyot usab kini sa pipila niya ka mga eksena.

"Kinakailangan talaga, para naman hindi tayo magkamali ,"hirit pa niya.

Si Albert Langitan maoy director sa Rhodora X ug nalakip usab niini sila si  Gardo Versoza , Glydel Mercado  , Irma Adlawan , Lollie Mara ,Frank Magalona , Vaness del Moral ug Boots Anson-Roa .

Samtang ang aktor nga si Mark (Herras) nibutyag usab nga matawag niya nga dakong break sa iyang career ang pagkalakip niya sa Rhodora X ug nagpasabot nga nagka-mature na og samot ang iyang imahe ug dili lang puros pakilig sa viewers.

"Parte ng trabaho lang po, siyempre mag-level up. Ang saya ko nga dahil ex-girlfriend ang kasama ko. Pero sa totoo lang, wala sa aming isip na magbabalikan. Ine-enjoy lang namin ang pagkakaibigan. Sa tanong kung meron bang posibilidad, seguro meron, pero ang panahon lang ang magsasabi, kasi sa ngayon, wala pa yan sa isip namin," saysay pa ni Mark kinsa mitataw nga wala niya sirad-i ang pultahan sa posibilidad nga magkabalik silang duha.

Dugang pa sa aktor nga bisan wala pa sila nag-uban sa Rhodora X, kanunay na sila nga magkita ni Jen gumikan kay magtapok-tapok sila usahay sa mga ka-batch niya sa StarStruck.

Gibutyag usab sa aktor nga karong tuiga, lain na pud nga grand reunion ang ilang pagabuhaton sa mga kaubanan niya sa StarStruck ug malipayon siya gumikan kay kasagaran kanila ang mo-participate niini. (BANAT NEWS)