Meaning Sa MU

CEBU, Philippines - Pasabot ni Kathryn Bernardo sa ilang MU status ni Daniel Padilla: “Siguro parang high school yung stage naming dalawa. Basta hindi namin minamadali.”

Buot-buot ra

Gihimakak ni Xian Lim ang mga hungihong sa nagkadaiyang showbiz sites nga matud pa uyab na gyud sila ni Kim Chiu. Matud ni Xian, mao matud pa kana ang problema karon sa modernong panahon, bisan kinsa na lang ang makahimo og bisan unsang mga istorya-istorya.

Bag-ong Kapamilya

Mipirma na og kontrata sa ABS-CBN ang kanhi TV5 talent nga si Meg Imperial, kinsa gilusad pinaagi sa pelikula nga Menor de Edad nga ginama sa Viva Artist Agency, diin mahisakop ang nahisgutang young star.

Magpabilin sa ABS-CBN

Mi-renew sa ilang kontrata sa ABS-CBN sila si KC Concepcion ug Cristine Reyes kinsa mga talents sa Viva Artist Agency. Si Cristine apil sa umaabot teleserye Bukas Na Lang Kita Mamahalin samtang si KC sa Against All Odds ug hatagan pud siya og hosting assignments.

Muhubo na si Alden

Andam na si Alden Richards nga magpa-sexy, bisan pa gani og todo pa-sexy basta kay nindot lang gyud matud pa ang material ug gikinahanglan gyud sa istorya sa salida ang iyang pagpakita sa sensitibong bahin sa iyang lawas.

Excited ni Coco

Dako matud pa nga dungog para kang Eddie Garcia ang makauban ang usa ka artista nga sikat sama ni Coco Martin. Hinungdan nga excited na siya sa iyang hingpit na nga pagsulod sa toprating series sa ABS-CBN, Juan dela Cruz nga gibituonan ni Coco.

Kissing Scene

Gisaad ni Paulo Avelino nga “professional” gyud siya kun ugaling may kissing scene man unya sila ni Sarah Geronimo. Si Paulo maoy labing unang leading man ni Sarah sa umaabot Sarah drama series sa ABS-CBN nga magsugod karong buwana.

Kiwaw ang role

Kiwawan maghunahuna si Angelika dela Cruz sa iyang “mother role” sa umaabot GMA-7 primetime series Mundo Mo Ay Akin  diin bida sila si Louise delos Reyes ug Alden Richards. Kauban pud niini sila si Jolina Magdangal ug Gabby Eigenman.

Babaye lagi siya

Gituldukan na ni Yeng Constantino ang mga intriga ug pagduda nga tomboy siya sanglit wala man gyud igdungog nga nakauyab siya sukad sa iyang pagsugod sa showbiz. Matud ni Yeng, “Hindi po ako tomboy! Sobrang straight ako and very secured ako with who I am.”

Dili na pwede..

Gihimakak ni Andi Eigenman pinaagi sa iyang Twitter account ang mga intriga nga nagbalik na sila ni Jake Ejercito sa iyang pag-adto sa London niining bag-o lamang. Suma pa ni Andi nga pagpakigbuwag niya kang Jake adtong November, tataw na kaayo ngadto niya nga dili na sila magkabalik pa.