Patrick ug Isabel pasok sa Full House

CEBU, Philippines - Nangandam na karon si Richard Gutierrez alang sa taping nila ni Heart Evangelista sa Full House sunod semana. Si Mark Reyes ang mahimong director niini, diin ila usab nga makauban sila si Patrick Garcia alang sa papel nga Luigi ug Isabel Oli isip Lorraine. 

JC next important actor

Napanglantawan ni Kuya Germs nga si JC Tiuseco ang sunod nga most important actor sa GMA kung basehan ang mga hugyaw nga proyekto nga iyang naangkon. Kahinumduman nga si JC maoy nagmalampuson sa pag-angkon sa gugma ni Maxene Magalona sa seryeng Kung Aagawin Mo Man Ang Lahat Sa Akin nga natapos sa miaging semana.

Chin-chin maayong kontrabida

Daghan ang nakadayeg ni Chin Chin Gutierrez sa seryeng Dahil May Isang Ikaw kay maayo kini moarte isip kontrabida. “Hindi over-acting ang kanyang pagiging maldita,” hirit pa sa beteranang kolumnista sa PangMasa nga si Lolit Solis.

Patient X posibleng i-promote usab sa Dos?

Wala pay siguro kung maka-promote ba si Cristine Reyes sa ilang Patient X sa mga shows sa GMA-7. Kini tungod kay bisan og Viva Artists talent siya, duna pod siya’y kontrata sa ABS-CBN. Matud ni Richard Gutierrez si Ms. Annette Abrogar sa GMA Films maoy nagplano unsaon kini pagkalaki.

Kristine di mopatol sa intriga

Kever na si Kristine Hermosa sa isyu nga matud naglinabad siya sa set sa Dahil May Isang Ikaw. Ulahi nga migawas nga intriga batok sa aktres mao ang pag-excuse niya sa taping sa maong serye aron moduwa og badminton. Suma pa ni Kristine, go na lang siya ng go sa trabaho.

Kirby gusto makauban si Anne

Malaumon   ang bag-ong talent sa Viva Artist Agency nga si Kirby de Jesus nga sunod-sunod na ang maayong dagan sa iyang career. Pangandoy usab ni Kirby nga makauban niya sa usa ka proyekto ang iyang longtime crush nga si Anne Curtis

Michelle na-pressure og maayo

Na-challenge og maayo si Michellle Madrigal sa iyang role isip Moret sa afternoon soap sa GMA- 7 , ang Tinik sa Dibdib. Pero di gyud malikayan ang tumang pressure nga gibate sa aktres sanglit gidala niadto sa banggiitang aktres nga si Dina Bonnevie ang papel nga Moret sa movie version niini ug daghang nadawat nga acting awards ang veteran actress. (Sanden Anadia)

I’m not Big Bro

Gihimakak ni PBB Business Unit Head Laurente Dyogi nga siya ug si Kuya, usa ra or same person ra.

Thanks Yaya

Mipahigayon og thanksgiving ang APT Entertainment ug GMA Films para sa box-office success sa Yaya & Angelina movie karong adlawa, starring Michael V ug Ogie Alcasid.