Marian nanghambog bisag pildi

Karong umaabot nga Oktubre 10 gitakda nga matapos na ang top-rating telefantasya, ang Dyesebel diin maoy pirme nga ipanghambog ni Marian Rivera kay matod pa niini wala gyud kasuway nga napilde ang ilang show sa rating. Nasayran nga ang Dyesebel gihapon ang nakakuha pirme sa labing taas nga rating sa primetime ug nag-una sa nationwide ratings. (Apan sa migawas nga Nationwide Urban Television Audience Measurement, napildi sa Singing Bee sa ABS-CBN ang Dyesebel niadtong Hulyo ug Agosto.) Samtang, giangkon ni Marian nga wala pa siya kahibaw sa sunod niyang proyekto sa GMA-7. Apan matud sa tsika basin ang Thalia starrer na usab nga Rosalinda ang dad-on ni Marian tungod kay na-acquire na sa Kapuso network ang rights niini. May nasagap usab nga tsika ang PangMasa nga matod pa ang next project sa actress sa GMA-7 mao ang iyang pagdala sa role nga Darna diin ang iyang makapares mao si Richard Gutierrez sa Captain Barbel Meets Darna.

Hinuon daghan usab ang naghinaot nga si Dingdong Dantes gihapon ang makauban niini sa sunod nga proyekto sa nahisgutan. Apan nasayran sa PangMasa nga gusto una nga mobakasyon ang nahisgutang actress inig kahuman sa Dyesebel aron bisitahon ang amahan niini sa Spain nga maoy dugay na nga gipangandoy sa nahisgutan ug nananghid na usab kini ngadto sa GMA Management ug sa manager niini nga si Popoy Caritativo.

Bisaya nga natagak sa Survivor mulugwa

Mulugwa karong adlawa sa Showbiz Central ang unang na-vote-out sa Survivor Philippines nga si Chevyline “Chev” Macias diin giatngan sa kadaghanan kung nasuko pa ba gihapon kini ngadto sa iyang mga kauban sa Naak Tribe. Kahinumdumang pwerteng sukoa niini sa dihang nakakuha kinig lima ka mga votes nga maoy hinungdan nga natangtang kini sa maong show. Matod sa mga himantayon nga naghinam-hinam na sila nga mosud-ong kang Chev sa national television aron mahibaw-an kung moulbo pa ba gihapon ang pagka-Bisayang Palaban niini nga maoy nahimong kinaiya niini nga nasaksihan sa mga televiewers.

Marvin dunay duha ka endorsement deal

Duha ka mga kontrata ang gipirmahan ni Marvin Agustin nga gipahigayon dili pa lang dugay diin gilangkoban kini sa duha ka mga produkto nga iyang iendorso, ang clothing brand nga Urban Edge ug ang Lana de Herba Oil and Ointment. Gikalipay gayud sa actor ang maong blessings nga miabot sa iyang kinabuhi. Matod pa nga ang hinungdan nganong si Marvin ang gikuha nga maoy endorser sa Urban Edge ug Lana de Herba Oil tungod sa naangkon nga mass appeal niini. Gawas sa iyang top-rating nga mga shows sa Gaano Kadalas ang Minsan ug Dear Friend, nindot usab ang iyang imahe isip usa ka businessman, actor ug amahan ngadto sa iyang kaluha nga mga anak. “Nakakatuwang isipin na nakikita nila ‘yung mga bagay na iyon sa akin. It makes me want to be a better person para hindi naman nakakahiyang maging endorser nila. Promise ko naman sa kanila na I will try my best to be the best endorser that they have,” mipahiyom nga namulong si Marvin.