Manggugulo Si Eddie Garcia Sa ‘Lagot Ka’

Ngayong Lunes ay guguluhin ni Eddie Garcia ang popular na GMA-7 sitcom na Lagot Ka, Isusumbong Kita. Bilang si Tiyo Paeng, bibisita si Manoy sa Barangay Kuli-Kuli with a shocking news. Ibubulgar ni Manoy na may kapatid sa labas ang mga machong anak ni Pilita Corrales (Joey Marquez, Richard Gomez, Benjie Paras at Raymart Santiago). At ito’y si Romeo (Teri Onor) na isang closet queen. Siya’y si Romeo by day at Juliet by night. Ang Lagot Ka ay napapanood tuwing Lunes ng gabi pagkatapos ng Channel 7 telebabad series. Sa direksyon ni Boyong Baytion.