Bea, nangangailangan ng boto!

Makamit kaya ni Bea Millan-Windorski ang ika-limang Miss Universe crown para sa Pilipinas?
At bago ang coronation night, nasa kapangyarihan natin na matulungan siyang makamit ang korona sa pamamagitan ng pagboto sa kanya sa Miss Universe app dahil bukas na ang fan voting ng kumpetisyon.
Maaari ring panoorin si Bea sa kanyang pakikipagtagisan sa mga kandidata mula sa iba’t ibang panig ng mundo sa pag-asang maiuwi sa Pilipinas ang ika-limang Miss Universe crown.
Mapapanood nga nang live mula sa San Juan, Puerto Rico sa Miyerkules (Nobyembre 25), 8 a.m., sa ABS-CBN sa ALLTV2, A2Z, Kapamilya Channel, Metro Channel at iWant ang pambato ng bansa na si Bea Millan-Windorski sa kanyang pagsabak sa ika-75 edisyon ng Miss Universe.
Bukod sa pagtaas ng bandera ng Pilipinas, nais din niyang gamitin ang Miss Universe platform upang higit na maitaguyod ang pangangalaga sa karagatan at proteksyon ng mga pawikan, mga adbokasiyang matagal na niyang isinusulong sa pamamagitan ng iba’t ibang proyekto sa bansa.
- Latest


















