Babaeng iskul principal dedo sa ambush

MANILA, Philippines — Pinagbabaril at napatay ng mga gunmen ang isang babaeng school principal sa naganap na ambush, kamakalawa ng gabi sa Pigcawayan, Cotabato.

Kinilala ang nasawi na si Regina Cortez, 46, principal ng isang pampublikong  elementary school sa Pigcawayan na nagtamo ng mga tama ng bala sa iba’t ibang bahagi ng katawan.

Ayon kay P/Major Andres Sumugat, Pigcawayan municipal police chief, na sakay ang biktima ng motorsiklo at pauwi na sa kanilang bahay at pagdating sa Crossing Tubon ay nag-aabang na ang mga suspek at siya ay pinagbabaril.

Nang masigurong patay na ang biktima ay tumakas ang mga suspek sakay ng motorsiklo.

Patuloy ang imbestigasyon ng pulisya upang makilala ang mga suspek at motibo ng pagpatay.— Joy Cantos