Shootout: 2 drug pushers tumba

MANILA, Philippines — Dalawang pinaghihinalaang notoryus na drug pushers ang napaslang matapos na kumasa sa mga operatiba ng pulisya sa magkahiwalay na anti-drug operation sa Brgy. Tuyo, Balanga City, at Barangay Gabon sa bayan ng Abucay, Bataan kahapon ng madaling araw. Kinilala ang dalawa na sina Roberto “Jun” Morales, 24; at Jayson “Goliath” Rodrigo, 49, kapwa nakatira sa Barangay Gabon sa bayan ng Abucay, Bataan at mga nasa drug watchlist ng pulisya. Sa ulat na nakarating kay P/Senior Supt. Benjamin Silo Jr., Bataan provincial police director, si Morales na kumasa sa buy-bust operation kaya napatay ng mga pulis sa Barangay Gabon sa bayan ng Abucay. Samantala si Rodrigo naman na nakipagbarilan makaraang makatunog na mga pulis ang kanyang ka-deal ay napatay din sa Barangay Tuyo sa nasabing lungsod. Narekober sa crime scene ang dalawang cal. 38 revolver, 14 plastic sachet na shabu at mga drug paraphernalia.