Pemberton nagsori sa pamilya Laude
MANILA, Philippines — Dahil sa pagpigil na makalabas sa kulungan, humihingi ng kapatawaran si US Marine Lance Corporal Joseph Scott Pemberton sa pamilya ng kanyang napatay na transgender na si Jennifer Laude makaraan ang halos anim na taon.
“If given the opportunity, he will apologize. And he has been very apologetic about the incident,” ani Atty. Rowena Garcia Flores sa panayam ng media noong Biyernes.
Sinabi ni Garcia na maging ang kahandaan ni Pemberton na magbayad ng P4.6 milyong civil damages sa pamilya Laude at sa mga nagastos o legal fees ay isa aniyang, indikasyon na “apologetic” si Pemberton.
Sinabi ni Flores na dahil nakulong si Pemberton kaya walang naging paraan na maipaabot ang kanyang paghingi ng tawad sa pamilya simula noong taong 2015.
Muling nabuhay ang isyu kay Pemberton nang magpasya ang Olongapo Regional Trial Court (RTC) na palayain siya na ibinatay sa good conduct and time allowance (GCTA) o dahil sa kagandahang asal habang nakapiit na inalmahan ng pamilya-Laude.
Maging ang DOJ ay maghahain din ng hiwalay na motion for reconsideration sa Olongapo RTC.
- Latest
