^

PM Sports

Sanchez nagdomina sa SEAG swimming

Russell Cadayona - Pang-masa
Sanchez nagdomina sa SEAG swimming
Kayla Sanchez
STAR/ File

Judoka, skateboarding panalo rin

MANILA, Philippines —  Kabi-kabilang me­dalya ang sinisid ni Pinay swimmer Kayla Sanchez para maging most bemedalled athlete ng Team Philippines sa 33rd Southeast Asian Games sa Thailand.

Kahapon ay nilangoy ni Sanchez ang kanyang ikatlong gold medal matapos pagreynahan ang women’s 100m backstroke sa bilis na 1:2.35 sa Sport Authority of Thailand Aquatics Center sa Chonburi.

Idinagdag ito ng Olympian tanker sa mga nauna niyang ginto sa 100m freestyle at 4x100m freestyle relay.

Hindi rin nagpahuli sina judoka Chino Sy-Tancontian at skateboarder Mazel Paris Alegado para sa 14 golds ng Pinas sa biennial event na patuloy na dinodomina ng Thailand na hinakot na 83 golds.

Tinalo ni Sy-Tancontian si Gede Ganding Kalbu Soethama ng Indonesia via Ippon sa men’s -100kg class.

Ito ang ikalawang ginto ni Sy-Tancontian sa SEA Games matapos maghari sa sambo event ng martial arts noong 2019 Manila edition.

Hinirang ng 11-anyos na si Alegado bilang pinakabatang SEAG champion nang pamunuan ang women’s park finals sa kanyang 79.72 points kasunod ang 11-anyos ding teammate na si Elizabeth Amador (72.03 points) para sa silver.

Sa taekwondo, sumipa ng pilak sina Kenneth Riley Buenavides (men’s -63kg kyorugi) at Merica Lillyn Chan (women’s 62kg kyorugi) at sina Maxine Bautista (women’s figure skating) at judoka John Viron Ferrer (men’s -81kg).

Samantala, minalas si Olympic at SEA Games medalist Nesthy Petecio kay Hasana Huswatun ng Indonesia sa boxing semifinals para makuntento sa bronze sa women’s 63kg.

Nakatiyak ng bronze si Flint Hara matapos ang split decision win kay Indonesian Daud Yerikho sa semifinals ng men’s 54kg.

May ambag ding tanso sina taekwondo jins Baby Jessica Canabal (women’s 53kg kyorugi) at Dave Cea (men’s -74kg), Ana Bhianca Espenilla (women’s javelin throw), William Morrison (men’s shotput), Krisna Malecdan at Krizan Collado (wushu women’s duilian barehanded), karateka Alwyn Batican (men’s kumite -75 kg), Paolo Borromeo (men’s figure skating), ang jiu-jitsu mixed team event at ang chess mixed team Makruk Standar.

Sa indoor volleyball, pinatumba ni Bryan Bagunas at ng Alas Pilipinas Men ang Myanmar, 25-23, 25-20, 25-21, para sa 1-0 record sa Group B.

Nakatakda nilang harapin bukas ang three-time defending SEA Games champion Indonesia para sa semis seat.

KAYLA SANCHEZ

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with