Team effort ang kailangan laban sa Ginebra -- Newsome

MANILA, Philippines — Hindi lamang si import Tony Bishop ang dapat magtrabaho para sa Meralco sa ka­­nilang Finals rematch ng nag­dedepensang Barangay Ginebra sa PBA Governors’ Cup.

Lalo na kapag kalaban mo si one-time PBA Best import Justin Brownlee ng Gin Kings.

“It’s going to be a full effort,” wika ni Bolts’ Fil-Am guard Chris Newsome. “Now more than ever, we’ve learned a lot of our mistakes. We know what it feels to lose. I don’t think losing is a fear for us. I don’t think we are scared of losing.”

Nakatakda ang Game One ng best-of-seven championship series ng Ginebra at Meralco sa Miyerkules sa Smart Araneta Coliseum.

Magtutuos ang Gin Kings at Bolts sa ikaapat na pagkakataon sa huling limang PBA Finals ng season-ending conference.

Tinalo ng Ginebra ang Me­ralco sa tatlo nilang titular showdown.

Kumpiyansa si Newsome na ito na ang panahon pa­ra makabawi ang Bolts at angkinin ang kauna-unahan nilang PBA championship.

“I feel good about this one because we have a healthy line-up. Raymond (Almazan) is healthy. A lot of our guys are healthy and they are starting to peak at the right time,” sabi ni Newsome.

Hindi nakalaro ang 6-foot-8 na si Almazan sa na­­karaang title series ng Ginebra at Meralco matapos magkaroon ng knee injury sa Game Three.

“Hindi talaga natin pu­­wedeng iasa kina New (Newsome), sa import namin (Bishop), kay Allein (Maliksi) so kailangan tala­ga mag-step up,” ani Al­­ma­zan.