Lady Stags, Lady Patriots paglalabanan ang No. 3 seat

MANILA, Philippines - Magkakaroon ng momentum papasok sa quarterfinals ang isa sa dahilan para lalo pang pagbutihan ng apat na koponang magtatagisan sa pagtatapos ng eliminasyon sa 2013 Sha­key’s V-League Foundation Cup.

Paglalabanan ng San Se­bastian at La Salle-Das­mariñas ang ikatlong pu­westo sa Group A sa ka­nilang labanan ngayong alas-2 ng hapon.

Ang mananalo sa La­dy Stags at Lady Patriots ang makakakuha ng ikalawang panalo matapos ang apat na laro sa ligang inor­ganisa ng Sports Vision ka­tuwang ang Shakey’s.

Ang NCAA champion Perpetual Help ay aasintahin ang ikalawang sunod na panalo sa pagbangga sa Adamson sa alas-4.

Galing sa panalo ang La­dy Altas kontra sa Uni­versity of San Carlos-Ce­bu, ngunit mapapalaban si­la sa Lady Falcons  na ma­papantayan ang Lady Falcons at pahingang Arel­lano sa three-way tie sa ikalawang puwesto.

Ang Ateneo at Natio­nal University na parehong hindi pa natatalo ma­tapos ang tatlong laro ay  magkasama sa isang gru­po sa palarong may ayu­da pa ng Accel at Mi­ka­sa.

Sa format ng palarong may supporta rin ng Accel at Mikasa, ang No. 1 at No. 3 ang magkasama sa isang grupo, habang ang No. 2 at No. 4 ang nasa isang gru­po.

Ang mga magkaka­samang koponan sa group elimination ay hin­di na magkikita pero hahawa­kan ng nanalong koponan sa tagisan ang 1-0 karta.

Sa likod ni Thai player Jeng Bualee, na­papaboran ang Lady Stags laban sa Lady Partriots na nais na palakasin ang pag-usad sa semifinals.