Wycoco, Chope wagi sa URCC 85
MANILA, Philippines — Ginamit ni Allen Wycoco ang kanyang boxing experience para talunin si Dondon “Rugbiboy” Serrano sa kanilang bareknuckle boxing welterweight duel sa Universal Reality Combat Championship (URCC) 85: UNDERDOG sa DD Night Club sa Tomas Morato, Quezon City.
Sinandalan ni Wycoco, dating amateur boxer na nakabase sa New Zealand bago sumama sa Dyincredible Fighting and Fitness Center, ang kanyang karanasan para umiskor ng fourth technical knockout win kay Serrano.
Kumonekta si Wycoco, ginagabayan ni mixed martial artist Rolando Dy, ng mga kombinasyon kay Serrano sa third at fourth round bago itigil ng referee ang laban sa 2:44 minuto.
Sa isa pang bareknuckle featherweight fight, pinatulog ni Dan Ascano si Gerardo Sismundo sa first round.
Samatala, pinasuko ni dating Ultimate Fighting Championship fighter Will Chope si Brian Paule via rear naked choke sa first round para mapanatili ang URCC welterweight interim title.
May 42-19 record ngayon ang 32-anyos na si Chope.
Ang URCC fight card na inorganisa nina founding president Alvin Aguilar at URCC co-owner/General Manager Aleksandr Sofronov ay sinuportahan ng Crazywin at ng DD Night Club.
- Latest
