Miyembro ng ‘Ampang Colango Robbery Group’, arestado
MANILA, Philippines — Nadakip ng mga tauhan ng Muntinlupa City Police Station ang isang miyembro ng ‘Ampang Colango Robbery Group’ na sangkot sa serye ng bank robbery at pagkamatay ng dalawang security guards sa isinagawa nilang bi-gong panghoholdap sa isang armored van sa Parañaque noong 2007.
Sinabi ni Southern Police District Director P/Brig. General Jimili Macaraeg na naaresto sa pamamagitan ng mga warrant of arrest na inisyu ng National Judicial Region Branch 194, 257, at 275 ng Parañaque City at Muntinlupa RTC Branch 276 si Bobby Rabia Baliber, 36, tubong Samar, na may patung-patong na kasong Robbery, two counts ng robbery with homicide, murder at carnapping.
Kabilang si Baliber, sa talaan ng most wanted personalities (national level) ng Department of Interior and Local Go-vernment (DILG).
Natunton ang suspect sa Buendia St., sa Brgy. Tunasan, dakong alas-9:00 ng gabi Ka-makalawa.
Kabilang sa kinasangkutan ni Baliber at ng kaniyang grupo ang tangkang panghoholdap sa armored van ng isang banko sa Sucat, Parañaque, kung saan dalawang security guards ang napatay noong Hunyo 2007. Sugatan din ang teller, isa pang sekyu at isang 12-anyos na bata na tinamaan ng ligaw na bala. Nakatakas ang grupo ni Baliber pero nabigong matangay ang pera ng banko.
Ang grupo ay pa-wang sangkot din sa serye ng bank robberies na nasa loob ng mga mall sa Las Piñas at Quezon City at sa Southern Luzon.
- Latest
