Ex-pulis, 1 pa timbog sa P.5 milyong shabu

MANILA, Philippines — Isang dating pulis na nasa drug watchlist at kasamahan nito ang arestado matapos makuhanan ng mahigit sa P.5 milyong halaga ng shabu sa buy-bust operation ng pulisya kamakalawa ng gabi sa Caloocan City.

Ayon kay Northern Police District (NPD) Director P/Brig. Gen. Ronaldo Ylagan, ang mga naaresto ay sina Freddielin Alayon, 37, dating pulis at residente ng F3 Shellhouse, Kaunlaran Village, Ca-loocan City at Romely Gonzaga, 27, ng No. 16, Florencia St., SFDM, Quezon City.

Sinabi ni Ylagan na dahil sa mga natanggap na reklamo ng District Drug Enforcement Unit (DDEU) hinggil sa talamak umanong bentahan ng shabu sa Brgy. 12 at kalapit na mga bara-ngay sa lungsod, ikinasa ng mga operatiba sa pangunguna ni P/Capt. Ramon Aquiatan Jr. sa ilalim ng pangangasiwa ni P/Col. Giovanni Hycenth Caliao I, ang buy-bust operation laban sa mga suspek sa Rizal Ave. corner C3 Road, Brgy. 113 bandang alas-10:30 ng gabi.

Nang tanggapin ng mga suspek ang marked money mula sa isang undercover police, agad silang dinakma at nakuhanan pa ng 80 gramo ng shabu na nasa P544,000.00 ang halaga, buy-bust money na P1,000 bill at 11 pirasong boodle money, weighing scale, cellphone at isang NMax motorcycle.