P2 bilyong pondo gagamitin ng NCRPO sa ‘Build, Build, Build’
MANILA, Philippines — Gagamitin ng pamunuan ng National Capital Regio-nal Police Office (NCRPO) ang P2 bilyong pondo na inilaan sa kanila ngayong 2020 sa pagpapatupad ng mga proyekto sa ilalim ng ‘Build, Build, Build.’
Sa ilalim ng PNP Budget, nasa P1.2 bilyon ang inilaan para sa NCRPO habang sa ilalim ng pondo ng Department of Public Works and Highways (DPWH), P477 milyon ang inilaan para sa Camp Bagong Diwa; P90 milyon para sa Maynila; P5 milyon para sa Pasig at P204 milyon para sa Kampo Karingal.
“NCRPO is elated to partake in the ‘Build, Build, Build’ project of the current administration. Guaranteed that all the resources that will be granted us will be utilized for the promotion and delivery of an improved police and public service to the people of Metro Manila,” ayon kay NCRPO Director PMGen Debold Sinas.
Pangunahing tututukan ang pagtatayo ng sariling Crime Laboratory ng NCRPO na may pinakamodernong mga kagamitan para mas mabisang maresolba ang mga kaso.
Aayusin din at gaga-wing moderno ang kanilang Multi-Purpose Building, Grandstand, Training Building at mga silid-aralan nito, dormitoryo at iba pang imprastruktura sa loob ng kampo.
Kamakailan, tinutukan ng NCRPO ang pagpapalakas sa kapabilidad sa ‘mobility and patrol’ sa paglikha ng Aerial Patrol Unit sa koordinasyon sa Air Unit ng Special Action Force.
- Latest
