Dating sexy star binibitbit ang mga alagang sexy star para mapansin ng mga player sa FIBA

Nagulat ang manonood ng FIBA games nang biglang sumulpot sa isang section ng venue sa bandang ibaba nang rumam­pa ang semi-retired female personality na may haklit-haklit na baguhang sexy stars!

‘Yun pala, alaga niya ang mga ito na handang pa-booking lalo na sa players na afam na gusto silang matikman!

Pero hindi lang daw sa venue ng game ruma­rampa ang semi-retired female star kundi pati rin sa lobby ng hotel kung saan naka-check in ang players, huh!

Eh dahil pa-booking din nung kabataan nang magkapangalan, ngayon, si female star na ngayon ang booker dahil may komisyon naman siya sa mapipiling sexy star, huh!

Isko, nalungkot sa parusa sa Showtime

Isa si Isko Moreno Domagoso sa nalungkot sa suspensyong ipinataw ng MTRCB sa It’s Showtime!

Twelve days ang suspensiyon sa ere kaya hindi muna ito mapapanood sa free TV.

Pero balita namin, mapapanood pa rin ito sa digital platform ng Kapamilya channel. Tutal, hindi naman sakop ng MTRCB ang digital platform.

Naglabas ng statement ang MTRCB kaugnay ng suspension kung saan inisa-isa ang pangyayari sa show na that led to suspension.

Balita namin, sa Office of the President iaapela ang suspension na may sakop sa MTRCB.