POC tutulong sa mga potential athletes

MANILA, Philippines – Handang tulungan ng Philippine Olympic Commit­tee ang mga potensyal na atleta na hindi kayang su­­portahan ng Philippine Sports Commission (PSC).

Ayon kay POC president Jose Cojuangco Jr., mamimili sila ng atletang ma­papakinabangan at bibigyan ng suporta para mahasa ang husay.

Seryoso ang PSC na mag­bawas ng atletang na­sa kanilang pangangalaga na hindi nakakapaghatid ng medalya sa mga malalaking kompetisyon katulad ng Southeast Asian Games.

“ Ang mga may gusto lamang ang ating tutulungan dahil papipirmahin natin sila para makatiyak na susunod sa ipaiiral na patakaran,” wi­­ka ni Cojuangco matapos pangunahan ang POC General Assembly kahapon sa Wack Wack Golf and Country Club.