Korver nagbida sa panalo ng Hawks

CHICAGO -- Tinitingnan ng Atlanta Hawks ang mga koponan sa Eastern Conference patungo sa se­cond half ng season.

Mula sa kanilang mahusay na opensa at mabigat na depensa, maaaring bumandera si Kyle Korver at ang kanyang grupo.

Nagsalpak si Korver ng isang season-high na pitong 3-pointers para tuma­pos na may 24 points at igi­ya ang Hawks sa 107-99 panalo kontra sa Chicago Bulls .

Ito ang pang-12 sunod na arangkada ng Atlanta.

“I think we’re gaining con­fidence by the game,” wika ni Korver.

Nadagdag si Al Horford ng 22 points at 9 rebounds sa pagduplika ng Hawks sa ikalawang pinakamaha­bang winning streak sa fran­chise history.

Tumipa naman si Paul Millsap ng 16 markers, ha­bang nagtala si guard Jeff Teague ng 17 points at 11 assists.

Nakamit ng Hawks (33-8) ang kanilang ika-26 panalo sa huli nilang 28 laro matapos ang 7-6 panimula sa season.

Umiskor si Korver ng 12 points mula sa 4-for-4 shooting sa 3-point range kung saan lumamang ang Atlanta ng 14 puntos patu­ngo sa 48-39 kalamangan sa halftime.

Tumipa si Korver ng isang four-point play para sa 80-69 bentahe ng Hawks sa 11:09 minuto sa fourth quarter bago nagtu­wang sina Horford at Millsap para ibaon ang Bulls sa 97-88 sa huling 3:29 mi­nuto.

Kumamada si guard Derrick Rose ng 23 points, 10 assists at 8 rebounds sa panig ng Chicago (27-15).

Naipatalo ng Bulls ang lima sa kanilang huling pi­tong asignatura.

Nag-ambag si center Pau Gasol ng 22 points at 15 rebounds, samantalang may 15 markers si Jimmy Butler.

Sa Houston, nagpasabog sina Stephen Curry at Klay Thompson ng tig-27 points at gumamit ang Golden State Warriors ng malaking ratsada sa third quarter para sa kanilang 131-106 paggupo sa Houston Rockets.

Bumangon ang Warriors mula sa kabiguan sa Ok­lahoma City Thunder no­ong Biyernes na pumi­gil sa kanilang eight-game winning streak.

Sa Memphis, tumipa si reserve point guard Beno Udrih ng dalawang krusyal na baskets para sa 102-98 panalo ng Grizzlies laban sa Portland Trail Blazers.

Ang ikalawang tirada ni Udrih sa natitirang 8.7 se­gundo ang sumelyo sa pa­nalo ng Memphis.

Nagdagdag si Zach Ran­dolph ng 20 points.