Pinoy UFC fighters asam ang panalo

MANILA, Philippines - Maghahanap ng ma­gan­dang panalo sina Mark Muñoz at Mark Eddiva para magkaroon ng tsansang mapalaban sa kampeo­nato sa Ultimate Fighting Championships ngayon sa magkahiwalay na lugar

Makakatapat ni Muñoz si Gegard Mousasi ng Dutch sa non-title fight sa middleweight division sa Berlin, Germany habang si Eddiva ay makikipagsukatan kay Kevin Souza ng Brazil sa lugar ng huli sa San Paulo.

Tumimbang si Muñoz sa 186 pounds habang si Mousasi ay nasa 185 pounds.

Mas beterano si Mou­sasi dahil may 34 panalo ito sa 40 laban habang si Muñoz ay may 13 panalo matapos ang 17 laban.

Si Eddiva ay masusukat ng husto kay Souza na  mayroong 14 panalo sa 17 laban.