Cebu Landmasters nakabangon human masugamak

CEBU, Philippines -  Nakabangon ang defending champions Cebu Landmasters human masugamak sa makaduha ka higayon dihang ilang gipahimungtan ang San Remigio Aguilas, 85-50 sa Sacred Heart Ateneo Alumni Basketball Athletic Association (SHAABAA) Mivesa Cup niadtong Domingo didto sa  Magis Eagle gym sa Sacred Heart School-Ateneo de Cebu sa barangay Canduman, Mandaue City.

 Sayo kaayong nanginit si Franco Te diin mibahog dayon kini og 16 puntos sa first period aron hatagan ang Landmasters og 14 puntos nga labaw 27-13 paghuman sa maong kuwarter.

 Ang Landmasters aduna nay usa ka daog sud sa tulo ka duwa.

 Ang Aguilas gipangulohan ni Serg Al Go Bui sa iyang 20 puntos, apan padayon gihapon silang nahimutang sa kinailawman sa team standings sa ilang 0-3 nga baraha.

 Kasamtangang nagkupot sa liderato  ang   Goldberry    Suites, RDAK Transporter ug Insular Square nga adunay managsamang  3-0  win-loss records. (BANAT NEWS)