Palarong Pambansa sugdan karon

CEBU, Philippines - Opisyal nang sugdan ang kompetisyon sa 2013 Palarong Pambansa karong adlawa didto sa Gov.Mariano Perdices Memorial Stadium sa Dumaguete City.

Kagahapong adlawa mao ang opening ceremony diin 12,000 ka mga atleta ug coaches ang mitambong  sa maong tinuig nga sporting events nga gisalmutan sa 17 ka mga regions.

Mga sports nga tigian sa usa ka semana nga sporting events naglakip sa archery, arnis, athletics, badminton, baseball, basketball, boxing, chess, football, gymnastics, sepak takraw, softball, swimming, table tennis, taekwondo, tennis, wushu ug billiards.

Dul-an sa 700 ka mga atleta ang ipadala sa Region 7 diin kadaghanan nagagikan sa mga tunghaan sa Sugbo. Ang host team nga Region 7 laraw nga mupalambo sa ilang fourth place finish sa miaging tuig. (BANAT PALARO)