Tutor, Simat ga-una sa PhilHealth Run

CEBU, Philippines - Ang veteran Cebuana runner nga si Christy Sevilleno-Tutor ug Isaac Simat ang migawas nga mananaug sa gipahigayung PhilHealth Nationwide Run kagahapon didto sa Cebu Business Park.

Midaog sa 18k division si Tutor sa oras nga 1:25:41 batok ni Jhean Andrin (1:25:42), samtang si Virginia Parajenog mipwesto sa ikatulo sa oras nga 1:31:08.

Sa pikas bahin si Simat maoy midaog sa men's 18k class sa oras nga 1:00:57,gisundan nila ni James Mibac sa oras nga 1:01:52 ug Abraham Missos 1:00:56 isip second ug third placer.

Ang garbo sa Southwestern University (SWU) nga si Mary Joy Tabal maoy reyna sa 10k run sa oras nga 39:14. Nagsunod niya sila si Lovely Fe Andrin (43:55) ug Mary Jane Beboso (49:20:73) sa ikaduha ug ikatulong luna.

Ang Kenyan nga si Josphat Kiptanui midominar sa 10k men's sa oras nga 32:46 batok nila ni Philip Duenas (34:02) ug Joebert Carolino (34:09).

Laing sakop sa Andrin sisters nga si Cherry ang midaog sa 5k run sa oras nga 22:10, samtang si Joel Delposo maoy mikampiyon sa men's class sa oras nga 16:32.  (BANAT SPORT)