Super Idols gisubha'g daog sa IBP basketball tourney

CEBU, Philippines – Gisugdan sa defending champion Super Idols ang ilang kampanya pagdepensa sa ilang trono pinaagi sa pag-iskor og 69-63 nga kadaugan batok sa Eagles sa pagbukas sa 9th Integrated Bar of the Philippines (IBP) 2012 basketball tournament niadtong Sabado didto sa Capitol Parish gym sa Escario st., ning dakbayan.

Sikit ang duwa sud sa unang tulo ka kuwarter, apan gipakita sa Super Idols ang ilang championship experience sa fourth period aron mabuntog ang Eagles.

Tulo ka players sa Super Idols sa pagpangulo ni Reiner Apolinario ang mikulit og double figures pinaagi sa iyang 15 puntos. Si Benjo Macion miamot og 13 puntos, samtang ang beteranong sentro nga si Fermen Pepito mitampo og 12 puntos.

Ang nabuntog nga Eagles gipangulohan ni Ian Santos, kinsa mitusik og 22 puntos.

Sa sayo pa, ang Dissenters ubos sa kanhi UC Webmaster pointguard Kern Sesante mipukan sa Bhutakalz ni Cris Ang, 69-54. Sila si Sesante ug Giovani Sususco parehong mikadlit og 15 puntos aron pangulohan ang Dissenters, samtang ang giihaw nga Bhutakalz gipangulohan sab ni Van Ligutan sa iyang 21 puntos.

Sa lain pang duwa, ang Pecandela Law Firm ni skipper Mark Russ Gamallo walay kukaluoy nga mitamparos sa Rama Boys, 79-37 sa pagpangulo ni Tommy Yu, kinsa miiskor og 23 puntos. Si Al Limalima mipugnit og 14 puntos alang sa pilderong Rama Boys.

Gilubong sab sa Paneros ang Los Demonyos sa iskor nga 75-56.

Si Michael Molde mibahog og   25 puntos aron giyahan ang kadaugan sa Paneros.

Sila si Jun Pintor ug Lito Ortiz nagkumboya og 23 puntos alang sa Los Demonyos.

PUNTOS MATAG USA

Unang duwa:

DISSENTERS (69) - Sesante 15, Sususco 15, Mi. Sarno 14, Ma. Sarno 8, Garcia 6, Dela Cerna 3, Rosal 2, Codera 2, Bacalla 2, Asis 2

BHUTAKALZ (54) - Ligutan 21, Verallo 14, Guieb 7, Hupp 5, Ang 4, Remedio 3

Ikaduhang duwa:

SUPER IDOLS (69) - Apolinario 15, Macion 13, F. Pepito 12, Piquero 8, Quijano 5, B. Pepito 3, Heyrosa 3, Santiago 2, Ibones 2, Salubre 2, Arrabis 2, Malig-on 2

EAGLES (63) - Santos 22, Hupp 13, Miralles 10, Suson 9, Solis 4, Abcede 3, Canka 2

Ikatulong duwa:

PECANDELA (79) - Yu 23, Malazarte 12, Tomaodos 8, Fr. Pepito 6, Enad 6, Avila 6, I. Gamallo 4, MR Gamallo 4, Mosong 4, Cañete 4, Capoy 2

RAMA BOYS (37) - Limalima 14, Pascua 10, Davide 6, M. Rama 4, Paquoribot 3

Ikaupat nga duwa:

 PANEROS (75) - Molde 25, Cabilte 13, Busi 10, Manching 10, Juban 10, Calipayan 4, Ordeniza 3

DEMONYOS (56) - Pintor 12, Ortiz 11, Tambago 8, Velez 7, Flores 5, Del Prado 5, Riveral 4, Bauzon 2, Yap 2 BANAT SPORTS