WEKAF events sugdan na karon

CEBU, Philippines - Pormal na nga buksan ang 12th World Eskrima Kali Arnis Federation (WEKAF) Championship and Congress nga tambungan sa kapin sa 600 ka eskrimadors karong adlawa didto sa Cebu International Convention Center (CICC) sa Mandaue City.

Sa dili pa ang tournament proper, ipahigayon una ang WEKAF Congress didto sa Amnezia Super Club sa North Reclamation area.

Gawas sa pagpili og mga bag-ong opisyales, magbotasyon usab ang mga sakop sa WEKAF   kun kinsa nga nasud ang ilang hatagan og katungod nga sunod mo-host sa maong kompetisyon.  

Ang torneyo sugdan ugma ug matapos karong Sabado  diin atngan ang panagbangga sa duha ka powerhouse arnis teams -- Team Philippines ug Team USA nga maoy lig-ong contenders alang sa overall championships.

Lain pang nasud nga mosalmot mao ang Belgium, Hong Kong, Canada, India, Indonesia, South Korea, Hungary, Ireland, Norway, New Zealand, Saudi Arabia, England, Oman, Spain, Scotland, Iran, Egypt, Puerto Rico, Lichtenstein, Switzerland, Sweden, Vietnam, Greece, Germany ug Mexico.

 (BANAT NEWS)