Nxled sasalo sa liderato
MANILA, Philippines — Pakay ng Nxled na makasosyo sa liderato sa kanilang duwelo ng Choco Mucho sa 2026 Premier Volleyball League (PVL) All-Filipino Conference Siklab leg sa Smart Araneta Coliseum.
Lalabanan ng Chameleons ang Flying Titans ngayong alas-6 ng gabi matapos ang salpukan ng Akari Chargers at Galeries Tower Highrisers sa alas-3 ng hapon.
Solo ng Creamline ang liderato bitbit ang 4-0 baraha sa itaas ng Nxled (3-0), Choco Mucho (3-1), Akari (2-2), PLDT (2-2), Farm Fresh (2-2), Capital1 Solar Energy (2-3), ZUS Coffee (0-4) at Galeries Tower (0-4) sa single-round robin eliminations.
Magkakasunod na pinadapa ng Chameleons ang High Speed Hitters, Foxies at Highrisers sa likod nina Fil-Ams Brooke Van Sickle at MJ Phillips at Myla Pablo.
Sina Eya Laure at Sisi Rondina-Rosales ang muli namang aasahan ng Flying Titans na nagmula sa five-set loss sa Foxies sa huli nilang laro.
“This is another super high level and talented team. You know, there is Rondina, there is Laure, there is a bunch of super very good players,” ani Nxled Italian coach Ettore Guidetti sa Choco Mucho.
“So we will try to prepare the game at our best as usual. To study what they do, to perform at our best. And then, hopefully, we continue to block,” dagdag nito.
Itatapat ng Flying Titans sina Rondina, Laure, Kat Tolentino, Maddie Madayag, Lorene Toring, Caitlin Viray, setter Alina Bicar at libero Dawn Catindig.
- Latest
