CTU 4th Presidential Tennis Cup gisugdan na

CEBU, Philippines - Pormal na nga gibuksan sa Cebu Technological University ang ilang 4th Presidential Summer Lawn Tennis Cup sa miaging adlaw didto sa CTU-Main Campus tennis courts sa M.J. Cuenco Avenue, ning siyudad.

Pag-promote sa fellowship ug camaraderie sa teaching ug non-teaching staff sa unibersidad maoy tuyo ug tumong sa maong kalihukan.

"The tournament aims at promoting solidarity, unity, and harmony and at the same time strengthen the bond of friendship and fraternity of all teaching and non-teaching personnel in the university," matud pa ni CTU Vice President for Academic Affairs Victor Villaganas.

Mga kategoriya nga pagatigian mao ang class A, B ug C.

Matud pa ni Villaganas nga ang sunod nga edisyon sa tinuig nga kompetisyon ilakip na ang mixed doubles category. Magsilbe usab kini nga farewell tourney alang ni Dr. Ponciano Bontia, ang school's campus director, kinsa moretiro na karong Disyembre. (BANAT SPORTS)