Pacman 10-Ball Cup

MANILA, Philippines - Nakataya ang walong puwesto para sa main draw ng Pacman Interna-tional 10-Ball Cup, ang paglala-ba­nan simula ngayong araw sa Star Biliards Center sa Quezon City.

Kinumpirma ni tournament director Edgar Acaba na papayagan ang mga local cue artist na sumabak sa nasabing torneo para makasungkit ng slot sa main draw na inaasa­hang hahatak ng ilang mga mahuhusay na manlalaro sa mundo kung saan pag­lalabanan ang kabuuang premyo na $60,000 na ibi­nigay ni eight-division world boxing champion at bagong pool patron Manny Pacquiao.

Ayon pa kay Acaba, na siya ring secretary general ng Billiards and Snooker Congress of the Philippines, dalawa ang mana­nalo araw-araw simula ngayon hanggang sa Disyembre 12 at ang mga manlalaro na nabigong mag-qualify ay mayroon pang pagkakataon na muling sumargo sa susunod na araw.

Magsisimula ang main draw ng Pacman Internatio­nal 10-Ball Cup sa Disyembre 13.

Para sa detalye. tuma­wag kay Joel Calzado   (09­335077259) at Michael Tan (0932111111).