Cebu Festival 2010 mosikad na
- Ni Lemuel P. Maglinte () - May 8, 2010 - 12:00am

CEBU, Philippines - Puno sa aksiyon ang masinati sa mga Sugbuanon sa Cebu Festival 2010 karong adlawa diha sa South Road Properties (SRP).

Unang masaksihan mao ang kulbahinam nga motocross event uban ni international motocross sensation Jon Eleazar Adlawan, kinsa makigbatok sa Asia’s third best rider Kenneth San Andres sa expert division 

Lakip sa kategoriya nga tigian sa motocross nga maoy mobukas sa Cebu Sportsfest mao ang local enduro, beginners production, novice production, intermediate, expert open, veterans A ug B, mini ug peewee.

Kapin sa 100 ka riders gikan sa silingang dapit sa Sugbu ang mopakita'g aksiyon.

Inig hapon, himuon sab ang Sundown Run nga salmotan sa 2,000 runners nga manukad diha sa Sugbu Plaza sa SRP. 

Talagsaon ang oras sa maong lumba kay sugdan kini sa alas-5 sa hapon.

Ang lumba gibahin sa tulo ka dibisyon -- 10K, 5K ug 3K.

Modagan sa 10K men's open mao si Simon Losiaboi uban nilang Elmer Bartolo, John Dueñas ug Jobert Carolino.

Mikompirmar usab sa iyang partisipasyon si Mary Grace Delos Santos, kinsa mosuway'g sakmit og laing titulo sa women’s division uban nila ni Madelyn Carter ug Mary Joy Tabal.

Human sa lumba, isunod sab dayon ang boxing event nga gipasiugdahan sa ALA Promotions.

Napulo ka paresan ang magsinukliay sa ilang kumo ibabaw sa ring.

Sa laing bahin, kapin sa 100 chess players ang moapil sa Blitz Open and Simultaneous Games.

Ang Blitz Open sugdan sa alas-2 sa hapon, samtang ang Simultaneous Games duwaon sa alas-4 sa hapon.

Pagadumalaon kini ni International Master Kim Steven Yap. – BANAT NEWS

ANG BLITZ OPEN BLITZ OPEN AND SIMULTANEOUS GAMES CEBU FESTIVAL CEBU SPORTSFEST ELMER BARTOLO INTERNATIONAL MASTER JOBERT CAROLINO JOHN DUE JON ELEAZAR ADLAWAN
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with