Cesafi Partner's Cup finals

CEBU, Philippines - CESAFI Partner’s Cup finals na sab. Ayaw lang kamo kahibulong.

Na-sweep na sa Ave Maria Sanctuary Park-USJR Jaguars ang San Marino Corned Tuna-USC Warriors ang best-of-five finals apan mao kadto ang collegiate division. Busa aduna kini Part 2 ug ato na sab masaksihan ang secondary finals sugod sa Abril 28 nga adto duwaon sa habagatang lungsod sa Dumanjug, ang lungsod diin naggikan ang legendary player Julian A. Macoy, ang Sugboanong player nga mipabuto ug 126 puntos samtang nagduwa pa siya isip usa ka USC Warrior.

Nalangay ang secondary finals tungod kay misalmot man ang PTT Fuels-UV Baby Lancers didto sa Tarlac Palaro ug sa ilang line-up, bugtong si Jerie Marion “Koko” Pingoy sa Enervon C-UC Junior Webmasters maoy nahisagol nga dili sakop sa Baby Lancers (green) ug dili apil sa cast sa salidang “SOYLENT GREEN” ni Charleton Heston.

Tungod kay ania naman ang duha ka kampo, magfinals na sab. Mao kini ang Part 2. Una na nakong gisuwat dinhe ang CESAFI Partner’s Cup finals ug wala nako hisayri nga para lang kadto sa collegiate finals.

Mga suki sa SPORTSgab, akong nasagap kining balita nga ang batan-ong Pingoy , anak ni Jerry Pingoy o mas nailhan sa iyang mga higala nga Jerrypings, nalakip s Mythical Five sa bag-o lang natapos nga Palaro bisan pa man tuod ug igo lang nakakuha sa ika-upat nga pwesto ang Central Visayas Regional Athletic Association (CVRAA) sa basketball event.

Wala na madawat ni Pingoy ang iyang medalya kay wala na siya mobalik sa Lapus Sports Complex tungod sa gilay-on niini nga mokabat ug 20 kilometros gikan sa gipuy-an sa atong delegasyon.

Ang akong higala nga coach sa San Beda College Red Cubs nga Britt Carlo Reroma maoy napiling best coach sa Palaro 2010 diin gilangkatan nila sa korona ang National Capital Region (NCR) kinsa maoy kampiyon sulod sa 15 ka tuig.

Ang solid San Beda juniors ni Reroma nag-representar sa CALABARZON o Cavite, Laguna, Batangas, Rizal ug Quezon.

Lakip kang Pingoy sa Mythical Five mao sila si Kevin Ferrer sa NCR, Alfonso Gotladera ug Van Adam Abatayo (kinsa maoy MVP) sa CALABARZON, ug Michael Nograles sa Western Visayas.

Ang laing taga san Beda nga si Al Amin nga gikan sab sa Davao parehas ni Abatayo, maoy napiling Best 3-pointer sa Palaro.

Grabe ang pagmangtas sa Red Cubs (mga anak sa lion) didto sa bag-o lang natapos nga Palaro. Ilang gikunis-kunis ang Northern Mindanao ug 42 puntos sa quarterfinals nga usa ka record sa juniors.

Ila sab gipukan ang Central Visayas sa elimination, 86-56, ilang gimakmak ang NCR sa semifinals, 94-73 ug ilang gikulata ang Western Visayas sa finals, 98-72 kaniadtong Sabado, Abril 17.

Ang tinuig nga Palarong Pambansa alang sa mga atleta sa elementarya ug high school gihimo didto sa Tarlac “Aquino Country” gikan sa Abril 11-17.

* * *

Gi-usban og pilde sa mga Brokers ug Personeros nga sakop sa Cebu-Customs United Personeros Association (C-CUPA) ni team manager Yoli Cena ang mga sakop sa Customs Organic nga mga batos ni Disctrict Collector Atty. Ronnie Silvestre sa iskor, 116-102 sa ikaduhang sangka sa ilang All-Star exhibtion game sa miaging Miyerkules, April 21 didto gihapon sa Benedicto College gym sa Banilad, Mandaue City.

Bisan pa man og biya na ang Customs ni Collector Silvestre, iya gihapong gihagit si Cena “oh ano? Laro pa tayo. Gawin natin itong best-of-five”.

Mahiligon kaayo sa basketball si Collector Silvestre ug kining iyang duwa paagi lang kini aron lang siya mapugos ug ehersisyo. Bulahan ang mga magduduwa sa Customs kay natumong nga ang Collector sama ni Atty. Silvestre, dili mobalibad og duwa.

Miscellaneous. My sister from Ormoc City Gina Malagar-Quindao celebrated her golden natal day with a sumptuous birthday tendered by her loving husband Boy Quindao. Welcome to the club Darrin and Ritchilyn Balbuena who were wed last Tuesday, April 19. Balbuena is the passarelle coach of CIT. Belated birthday greetings to my friend Atty. Divine Marcial-Flores, news director of the CCTN and program host of the Hello Cebu Maayong Buntag Pinoy hovering the air lanes from Monday to Friday from 7:30 to 9 am. Advance happy birthday to Ave Maria Sanctuary Park team owner Raffy Senining on April 30. – BANAT NEWS