Rollyr Boyz, Kuya Allan sa FYA finals

CEBU, Philippines – Ang Rollyr Boyz ug ang Kuya Allan maoy mag-ilog sa korona human ilang gipalagpot ang ilang tagsa-tagsang kaatbang sa F. Llamas Youth Association (FYA) 1st Vice Mayor Mike Rama Cup Division finals diha sa Vicente Sotto Memorial Gym didto sa barangay Punta Princesa, ning dakbayan.

Ang Rollyr Boyz ni team owner Punta Princesa barangay captain Rolly Diorico, mipukan sa Grandeur team sa iskor nga 79-70 sa Dark bracket finals, samtang ang Kuya Allan ni team owner Allan Guibelondo, mitumba sa Heartfelt, 93-86 alang sa Light division finals.

Mag-abot ang duha sa knockout finals karong Hulyo 16.

Si Dexter Caballero maoy nangu sa Rollyr Boyz pinaagi sa iyang 18 puntos, samtang si Paul Basalo midugang og 15 puntos.

Ang Grandeur, kinsa mi-abante ngadto sa Dark finals pinaagi sa pagpalagpot sa mas paboritong Orillaville, gipangulohan ni Dondon Cadungog, kinsa miposa og 23 puntos, gisundan ni Rovel Tabar sa iyang 14 puntos ug Wako Dacayana nga miabuno og 13 puntos.

Sa laing bahin, ang Kuya Allan ni playing coach Noel Medalle milampos sa pagpugong sa tirador nga si Tata Laborte sa Heartfelt, apan gihubaghubagan pa una nila maangkon ang kadaugan. 

Si Ranel Patalita miburak og 24 puntos aron pangulohan ang Kuya Allan, gisundan ni Kenneth Marqueda, kinsa mitampo og 16. 11 puntos.

Ang Heartfelt nga adunay balanse nga iskor, gipangulohan nila ni Almond Danding ug Junrey Arreglo nga parehong mi-iskor og 17 puntos.

Ang FYA cagefest gipaluyohan ni Punta Princesa barangay councilor Ray Gabriel Salgado ug ni tournament director Boy Atillo.

Puntos Matag Usa

Unang duwa:

Rollyr Boyz (79) - Caballero 18, Basalo 15, C. Llegunas 12, Dela Cerna 10, Marata 9, D. Enriquez 9, J. Enriquez 4, C. Marata 2

Grandeur (70) - Cadungog 23, Tabar 14, Dacayana 13, Tundag 10, Lañojan 5, Navaja 4, Sabalande 2
Ikaduhang duwa:

Kuya Allan (93) - Patalita 24, Margueda 16, Medalle 11, Reubal 9, Canceko 7, Quita 6, Rabadon 5, Lastimosa 5, Ylanan 2, Solon 2

Heartfelt (86) - Danding 17, Arreglo 17, Rama 16, Cabigas 14, N. Laborte 7, Densing 4, Alob 4, T. Laborte 3 – BANAT NEWS