Time Out cage clinic sa Alcantara, Carcar

CEBU, Philippines – Gisugdan na ang pagpangrehistro alang sa Alcantara ug Carcar leg sa tinuig nga Time Out Basketball Clinic.

Ang training gibahin ngadto sa duha ka levels -- Beginners ug Advanced.

Alang sa Carcar leg didto sa Valladolid Gym, ang training sugdan gikan sa alas-8 sa buntag hangtod sa alas-12 sa udto, samtang ang camp session sa Alcantara gym himuon gikan sa ala-1 hangtod sa alas-5 sa hapon. 

Ang tinuig nga cage clinic gipasiugdahan ni Rex Salvaña, kanhi assistant coach sa Cebu Gems. Nagsilbe sab siya isip chief bench tactician sa Misamis Oriental Meteors sa nabungkag nga Mindanao Visayas Basketball Association (MVBA).

Ang Time Out mo-train sa mga kabatan-onan sa basic basketball fundamentals sama sa passing, dribbling, shooting ug footwork

Ang usa ka buwan nga training, bukas sa mga batan-ong babaye ug lalaki nga nagpangedaron og siyete ngadto sa 17 anyos.

 Ang registration fee nagkantidad og P1,000 libre na ang training jersey ug usa ka basketball.               Alang sa dugang mga kasayoran, mahimong mokontak ni coach Rex Salvaña sa 414-1200 ug 0905-6554203. – BANAT NEWS