Walang katapat si Pacquiao - Beard

MANILA, Philippines – Inamin ng taong tumulong kay Ricky Hatton kontra kay Manny Pacquiao na imposible nang talunin ang Filipino champion sa gabi ng May 2 sa Las Vegas.

“Manny was awesome on fight night. His speed, timing, combination punching and footwork overall was excellent,” wika ni Lee Beard, assistant trainer ni Hatton, makalipas ang dalawang linggo pagkatapos ng laban.

Sinabi ni Beard sa boxingscene.com na malaki ang inilakas at inihusay ni Pacquiao sa huling 12 buwan. At ng araw ng laban mismo, lumaban si Pacquiao ng apat na beses sa apat na magkakaibang weight classes.

At napagwagian niyang lahat iyon, tinalo si Juan Manuel Marquez sa 130 lbs, David Diaz sa 135 lbs., Oscar Dela Hoya sa 147 at Hatton sa 140 lbs. Sa lahat ng laban, ang tumagal lamang ay kay Marquez.

“Manny is at the top of his game right now - physically and mentally,” ani Beard at idinagdag na maaaring lumasap rin ng ganitong kapalaran si Floyd Mayweather Jr. kontra kay Pacquiao.

Bagamat hindi pa magaganap ang Pacquiao-Mayweather fight, ngunit pinag-uusapan na ngayon ang bakbakan na ito sa pagitan ng dalawang pound-for-pound champion.

“Do I think Manny could beat Floyd Jr? I didn’t think Manny would beat Ricky but he did. I would favor Floyd but Manny could win. Anything can happen in boxing,” aniya.

Sinabi ni Beard na magaan para kay Pacquiao si Hatton at hindi kay Mayweather.“Nobody has done that to Ricky. What Manny did, even Floyd Jr. in the first five or six rounds had nightmares with Ricky and Ricky was fighting in the same way against Manny.

“But (Hatton) wasn’t unable to get to him as he did with Floyd. Manny was dominant,” ani Beard.

Dominante rin si Hatton, na dating walang talo sa 140 lbs. na hindi tumagal ng dalawang rounds. Dalawang beses itong humalik sa lona at tumanggap ng matinding suntok sa ikalawang round.