Rollyr Boyz nakaipsot sa Viking Haulers

CEBU, Philippines – Mikulit og laing daog ang Rollyr Boyz ni team owner Punta Princesa barangay captain Rolly Diorico ug ang Aqua Serv Purified Water batok sa tagsa-tagsa nila ka kaatbang sa F. Llamas Youth Association (FYA) 1st Vice Mayor Mike Rama Cup diha sa Vicente Sotto Memorial Gym sa barangay Punta Princesa, ning dakbayan.

Ang Rollyr Boyz midaog batok sa Viking Haulers, 90-86, samtang ang Aqua Serv mipukan sa Park ‘N Go Bakeshop, 96-92.

Si Chrissar Llegunas maoy nangulo sa Rollyr Boyz sa iyang 22 puntos, samtang sila Daniel Enriquez ug Dexter Caballero parehong mi-iskor og 18 puntos.

Ang Haulers (1-3) gipangulohan ni Joher Ardon pinaagi sa iyang 24 puntos.

Sa laing duwa, si Tito Bacarisas mihakot og 35 puntos aron pangulohan ang Aqua Serv pagposte sa ilang ikatulong daog. Ang Rollyr Boyz ug Aqua Serv nagtabla uban sa Heartfelt sa managsamang 3-1 win-loss records.

Ang Park N' Go nga wala pa makahaon og daog sa upat ka duwa gipangulohan ni Carl Rama sa iyang 45 puntos.

Ang FYA gipaluyohan sab ni Punta Princesa barangay councilor Ray Gabriel Salgado ug tournament chairman Boy Atillo.

Puntos Matag Usa

Unang duwa:

Rollyr Boyz (90) - Llegunas 22, Caballero 18, D. Enriquez 18, Basalo 15, P. Marata 6, E. Marata 4, Lantaca 2, Dela Cerna 2, Enriquez 1

Viking Haulers (86) - Ardon 24, Limbaga 14, Canceko 13, Medalle 12, Cal 7, Cañete 6, Cambarijan 6, Trinidad 4
Ikaduhang duwa:

Aqua Serv (96) - Bacarisas 35, Abellana 23, Villacastin 18, Navarro 11, Pacubas 3, Magallon 3, Franklin 2

Park ‘N Go (92) - C. Rama 45, T. Rama 10, Enriquez 8, Camacho 7, Escalona 6, Lumapguid 4, Bas 4, Salinas 3, Osorio 2, Caballero 2 – BANAT NEWS