Pajo National High School sud sa semis

CEBU, Philippines - Napakgang sa Pajo National High School (PNHS) belles ang ilang duha ka sunod-sunod nga duwa pinaagi sa paghakot og duha ka daog aron pag-abante sa semifinal round sa 4th Shakey's Girls Volleyball League National Finals didto sa Bacolod City.

Human sa ilang kapildihan ngadto sa University of Sto. Tomas ug University of St. La Salle-Bacolod, ang Pajo nakabaton og kinabuhi human gipilde ang Passi sa tulo ka sets, 25-22, 25-16, 25-11. Milangkat sab kini og daog batok sa San Jose National High School, 25-7, 25-11, 25-12.

Ang PNHS squad gilangkuban ni Shakey's Regional MVP Methosheena Bate, Athena Sucalit, Catherine Marquez, Mary Jane Cortes, Christy Sucalit, Lovely Marie Murillo, Marjorie Coloscos, Charlita Auza, Grethcel Soltones, Jella Jorquia, Jyrah Gae Aroma ug Suzette Panis. – BANAT NEWS