TACABA Boys, Batang Lacion mag-abot karon

CEBU, Philippines - Mag-abot ang mga pambatong boksidor sa lungsod sa Consolacion ug sa siyudad sa Talisay sa ipahigayong “TACABA Boys vs. Batang Lacion” karong gabii diha sa Dumlog basketball court sa Dumlog, Talisay City.Labing una kining higayon nga mag-abot ang dalan sa mga batan-ong boksidor gikan sa Talisay ug sa Consolacion.

Ang pinaksitay gipasiugdahan ni Dumlog Brgy. Capt. Charles Basillote uban sa Talisay City Amateur Boxing Association (TACABA) ug sa Abejo Builders Incorporated ni Borgy Abejo.

Adunay 20 ka paresan ang magpakita sa ilang labok usa na niini si Keith Garces ug Bob Anthony, kinsa wala pa mahiagom og pilde sa TACABA promotions.

Ang TACABA namugna niadtong Abril sa miaging tuig pinaagi sa paningkamot sa mga opisyal sa dakbayan sa Talisay nga naglakip nilang city councilor Resty Seville nga maoy presidente, Teddy Alivio, Charles Basillote, Edwin Enerlan ug Val Ylanan. – BANAT NEWS