CCC-ACN showdown

Cebu - Ang Carmen Copper Corporation-Construction Services Department (CCC-CSD) Builders maoy mo-host batok sa ACN/Binglens karong adlawa didto sa CCC Recreation Center sa Lutopan, Toledo City.

Mao kini ang ikatulong higayon nga ang Builders mo-host og exhibition game sa ilang korte. Ang Builders adunay 1-1 nga baraha human nidaog batok sa Toledo Dream ug napilde ngadto sa M. Lhuillier Kwarta Padala-Cebu Niños.

Ang Builders ni coach Boboy Cal pangulohan ni Jerry Jaca uban nilang Aldrin Ocañada, Raul Redulosa, Wilbert Sayson, Jared Kare Abatayo, Roy Arnado, Jan Montalbo, Francis Mangyao, Danny delos Santos ug Mike Sereño.

Ang ACN/Binglens ni team owner Allan C. Nazareno ug coach Ervie Diola, gilangkuban nilang Reggie Licanda, Ope Abellana, Roebucks Abella, Michael Dumdum, Mike Almonte, Baltazar Jueves, Vergel Abelong, Leodi Garcia, Ariel Maraño, Abe Galinato, Rey dela Victoria ug Max Delantes.

Ang Builders-ACN/Binglens showdown gipaluyohan sa Our Lady of Mt. Carmel Parish Church ubos sa ilang presidente nga si Mrs. Tessie Cal.

Si kanhi CIT Wildkittens coach Romy Cal maoy naningkamot pagdala sa duha ka teams ngadto sa Lutopan.

Ang Builders maoy champion sa 1st Aloguinsan Mayor’s Cup Open tournament sa miaging tuig. – BANAT NEWS