LAYA semis tigian ugma

Cebu - Pag-angkon og luna sa finals maoy tumong sa Lola Carmen Chicharon ug Criminal Intelligence and Investigation Bureau (CIIB) atol unya sa ilang panagbagat batok sa tagsa-tagsa nila ka kaatbang ugma sa semifinals sa Labangon Youth Association (LAYA) 1st Ritchie Osmeña Cup didto sa Labangon Sports Complex.

Ang 5-2 nga Lola Carmen Chicharon (5-2) nga ni Carmen Ylanan, naglaraw pagsakmit sa unang luna sa finals dihang ilang sangkaon ang (4-3) Trisha and Carl ni Patrick Dadang.

Ang CIIB (5-2) nga gipaluyohan ni Police Supt. George Ylanan, makigsangka sa Green team (4-3) nga gipanag-iya sa iyang ig-agaw ug LAYA president si Robby Ylanan. Ang mga mananaog maoy magsangka sa tinaktakay nga kampiyonato karong Martes. – BANAT NEWS