Catmon hari sa cluster V

Ang Catmon maoy milangkat sa cluster V title human human mitala og 3-0 sweep sa 3rd Governor Gwen Garcia Unity Volleyball Cup for Women niadtong miaging adlaw didto sa Borbon Sports Complex.

Ang maong kadaugan naghatag sa Catmon og katungod nga morepresentar sa cluster V sa cluster championship nga gitakda ning tuiga.

Ang ikaduhang luna nakuha sa  Sogod, kinsa mitapos sunod sa Catmon.

Nakabawi ang Catmon gikan sa ilang kapildihan sa first set sa elimination ug sa final matches batok sa Sogod aron pagdaog sa titulo.

Nakasugakod ang Catmon sa first set batok sa Sogod aron pagdaog sa iskor nga 23-25, 25--13, 25-13 aron paghari sa bracket  A sa elimination. 

Sa final, ang Catmon  napilde usab sa first set, apan nakarekober atol sa ilang 20-25, 25-20, 25-19 nga kadaugan.

Sa laing bahin, ang Sogod nakakuha og tiket sa final human  ilang gipilde sud sa duha ka sets ang Pilar, 25-19, 25-19 sa semifinal game.

Ang Pilar nahimutang sa kinatas-ang dapit sa bracket B bitbit ang 3-0 win-loss record, apan wala kini makalahutay sa ilang duwa batok sa Sogod sa ilang engkuwent ro sa semifinal.

Ang San Fernando mitapos sa ikaduha sunod sa Pilar sa bracket B apan wala kini igong  players sa ilang duwa batok sa Catmon nga naghatag sa naulahi og free-ride ngadto sa finals.